Amos 8:10 - Bible Ni Thothup

¹⁰ Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Amos 8:10 Iomraidhean Croise

Genesis 21:16

me yan rok nga orel ni gonap’an 100 e yard me yan i par nga but’. Me ga’ar u wan’, “Dabiyag ni gu yaliy e re tir ney nge yim’.” Nap’an ni kabay u rom nib par nga but’ me tabab fare tir ko meyor.

BABYOR NI JOB 20:23

Mu pag nge kay gubin e tin ba’adag! I Got e bayi gechignag u fithik’ e puwan’ nge damumuw nib gel.

BABYOR NI JOB 3:5

Mu tay ni reb e rran nib lumolang ma rib talumor; mu upunguy ko manileng ma ga thang e yal’ riy.

BABYOR NI JOB 30:31

Immoy bingyal’ ni ug rung’ag e musik nib felfelan’, ma chiney kemus ni lingan e kirban’ nge meyor e gu be rung’ag.

Isaiah 3:24

Florida ni yad ma thiy ngay e thil nge kirebnag bon dowrad, pi le’ed rorad ni fafalel’ e thil nge mang yuyal’ i tal, piyan lolugrad ni bfel’ e thil ngar pired ni kar madro’gad, mad rorad ni fafalel’ e bayi thil nge par ni mad ni mogmogchoth e yad be yin’; tamra’ e bayi yin’ luwan e ufan pidorang rorad.

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Jeremiah 48:37

Yad gubin ni kar puyed lolugrad ma kar th’abed sobarad. Yad gubin ni kar rasayed pa’rad ma yad gubin ni kar chuwgad ko mad ni tutuw.

Jeremiah 6:26

I SOMOL e be ga’ar, “Gimed e girdi’ rog, e ngam mon’ed e mad ni tutuw, mi gimed pig u fithik’ e awat. Mu dololoy’gad ni bod be’ ni be yornag be’ nib mo’on ni fak ni ka ri ma’agirag rok, ya en nike yib ni nge kireb nagmed e bayi cham ngomed nib tomgin.

Lamentations 5:15

Felfelan’ e ke chuw u lan e yafos romad; buchbuchan’ e ke fek lon e pi churu’ romad.

Ezekiel 7:18

Bay ron’ed e mad ni tutuw nga dakenrad miyad t’on nreb. Bay ni puy piyan lolugrad, ma bayi ma’ farad ni yad gubin.

Ezekiel 7:2

Ni ga’ar, “Fak e girdi’, irera’ e n’en ni gu be yog I Gag fare SOMOL ni Th’abi Tolang ko nam nu Israel: Irera’ e tungun ko fare nam ni polo’!

Hosea 2:11

Urngin e pin’en ni be pi’ e felfelan’ ngak e bay gu taleg, ni aram e mur nma tay ko yu duw, nge rran nib thothup ko yu pul, nge madnom ko Sabbath ko yu wik — urngin e madnom nma tay.

Hosea 2:13

Bay gu gechignag ni bochan fa yu ngiyal’ i n’em ni i par nike pag talig, ni fa yu ngiyal’nem ni fa’an i urfiy e incense ngak Baal me nunuw nge lol’oeg pi ilingen. I SOMOL e keyog e pi thin ney.

Joel 1:8

Mu yorgad e girdi’, ni bod ba rugod ni be yornag be’ nib mo’on ni kan m’ag e mabgol rorow ma ke yim’.

Levitikus 13:40

Fa’anra be’ ni pumo’on nike mulmul e piy u lolgen ke modro’, ma dabi ta’ay.

Amos 5:21

Be ga’ar SOMOL, “Gu be fanenikay e pi madnom ko taliw romed; dabkiyag ni nggu kadan’ug riy.

Amos 5:23

Mu taleged e pi tang nike mada’ lungmed riy ngalang; ya da gu adag ni nggu motoyil nga lingan e harp romed.

Amos 8:3

Chirofen nem e pi tang ni yima yin’ u tafen e pi pilung e bayi piliyeg nge ngal’ ni dololoy’. Bayi sug e girdi’ nike yim’ u gubin yang. Bay u ni garpayrad nga wean ni dariy e numon.”

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Deuteronomy 16:14

Mi gimed felfelan’ u ta’bang, ni gimed nge pifakmed, nge pi tapigpig romed, nge pi Levi, nge girdi’ nu boch e nam, nge pi’in kanim’ rorad, nge pi’in ke yim’ figirngirad ni yad ma par u lan e yochi binaw romed.