Amos 5:3 - Bible Ni Thothup

³ Be ga’ar SOMOL ni Th’abi Tolang, “Bbinaw u lan yu Israel e pi’ reb e biyu’ e salthaw nge yan, ma ra’ay e sul; me pi’ reb e binaw ra’ay, ma kemus ni ragag e sul.”

Amos 5:3 Iomraidhean Croise

Psalms 144:14

Mang e yigi diyen e pi garbaw rodad nib yo’or pifak ni dabi maraggil ara yim’ reb. Mang e yigi par ndariy e meyor ni fan ko gafgow u lan e yu pa’ i kanawo’ rodad.

Isaiah 1:9

Fa’an mang e de pag SOMOL ni Gubin ma Rayag Rok in e girdi’ riy ngar pired ndar m’ad, ma kem’ay i kirebnag e binaw nu Jerusalem ni ga’ngin, nri bod rogon yu Sodom ngu Gomorrah.

Isaiah 10:22

Ni yug aram rogon ni chiney ni gathi blich e girdi’ nu Israel ni bod e yan’ u pe’lay, ma buchu’uw i yad e bayi sul. Riya’ e kan ayuweg ni fan ko girdi’, nri bay tapgin ni nge aw ngorad.

Isaiah 6:13

Ni mus ni fa’anra ragag e girdi’ me magey ta’abe’ riy u daken e re nam ney, ma ku er rogon ir ni bay ni thang e pogofan rok; ra bod muchun ba ke gek’iy ni oak ni kan th’ab.” (Fare muchun e be yip’ fan ni bay ki sum e girdi’ rok Got bayay.)

Ezekiel 12:16

Gu ra pag in i yad nge par ni dabi yim’ u fithik’ e mael, ara uyngol, ara liliy, ya fithik’ e pi nam i yan e ngar nanged riy feni sonogor pangrad. Ma bay ra nanged ni Gag SOMOL.”

Amos 6:9

Fa’anra ragag e pumo’on ni magach u reb tabnaw, ma bay ramad’.

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;

Deuteronomy 28:62

Yug aram rogon ni gimed ra yo’or ngam boded urngin e t’uf nu lanelang, machane ri buchuuw i gimed e ra par nib fos, ni bochan e da mur folgad rok SOMOL ni Got romed.

Deuteronomy 28:63

Rogon feni rib felfelan’ Got ngay ni nge rin’ e tin bmanigil ngomed ma be yo’or nagmed ni girdi’, e ri ku aram rogon feni rib felan’ ngay ni nge gafgow nagmed ma be thang owchemed. Ma bayi mul pa’amed ko fare nam ni aram e ngam pired ngay.

Deuteronomy 4:27

I SOMOL e ra weregmed ko pi nam i yan, ri’in i gimed e ra magach nib fos.