Amos 5:10 - Bible Ni Thothup

¹⁰ Gimed e girdi’ ni gimed be fanenikay e en be togopluw ko tin de mat’aw ma be weliy e tin rriyul’ u tafen e puf oloboch.

Amos 5:10 Iomraidhean Croise

1 Kings 18:17

Fa’ani guy Ahab Elijah me ga’ar ngak, “Mog, ri gur fa’anem ni ba ga’ e gafgow ni kam tay ngak yu Israel?”

1 Kings 21:20

Ma fa’ani guy Ahab Elijah me ga’ar, “To’ogor rog, kam piri’egeg.” Me ga’ar Elijah, “Er rogon, kug piri’egem. Kam par ni tin nib kireb u p’eowchen SOMOL e ga be ngongliy.

1 Kings 22:8

Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Proverbs 15:12

Girdi’ ni tolngan’ e daburad ni ngan yal’owegrad; dariy e ngiyal’ ni yad ra ning e fanow ngak e pi’in gonop.

Isaiah 29:21

Ra thang Got e pi’in yad ma gathibthibnag boch e girdi’, nge pi’in ma taleg e gechig ni dabi aw ko pi’in kireb, nge pi’in yad ma lufith l’ugunrad ni nge m’ing e thin nga daken e pi’in bfel’ e rok.

Isaiah 59:15

Ke buchu’uw e yul’yul’ ni en ra tal i ngongliy e kireb e ra pir’eg ni ir e ra l’ag e oloboch ngak.” Ke guy SOMOL e ran’ey, ma ke kireb u wan’ nike math mit e mat’aw.

Jeremiah 38:7

Machane Ebedmelek, ni be’ nu Ethiopia, nib mo’on nib tolang nma maruwel u tafen e pilung e rung’ag ni kan nguchuruyeg ngalan fare luwed. Ma ngiyal’nem e aram e bay e en ni pilung ko garog ni Benjamin fithingan ni be puf oloboch.

Hosea 4:4

Be ga’ar SOMOL, “Dariy be’ ni nge yog ban’en nib togopluw ngak e yug girdi’ ara puwan’ ngorad, ya tin ndabug ni yibe rin’ e ba sor ngomed e prist.

Levitikus 13:10

ni ir e nge guy fa’anem. Ma fa’anra ke wech lanmit ma ke thil ra’en e piy u lan mit ke wech ma ke yulla’,

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

John 15:19

Ya fa’an manga mmil famed ngak e girdi’ nu fayleng, me ere gimed ra t’uf rok e girdi’ nu fayleng, ya kam manged girdi’rad. Machane kug mel’egmed u fithik’ e girdi’ nu fayleng, ni gathi kigimed boch i yad; ireray fan nike fanenikaymed e girdi’ nu fayleng.

John 3:20

Ya en nma rin’ e tin nib kireb e fanenikan fare tamilang ma dabi yib ko fare tamilang, ya dabun ngongolen nib kireb ni nge m’ug.

John 7:7

Ya girdi’ nu fayleng e dabiyag ni ngar fanenikayed gimed, machane gag e yad be fanenikayeg, ni bochan e gu be yog ngorad nib tagan e ngongol rorad.

Galatia 4:16

Ere kug di’in e chiney u lanin’med? Kug mang to’ogor romed ni bochan e gu be weliy e tin riyul’ ngomed?

Revelation 11:10

Ma girdi’ nu fayleng e bay ra felfelan’gad nike yim’ e gali cha’nem. Bay ra madnomgad ngar tow’ath niged yad, ni bochan e gali profet nem e ba ga’ e gafgow nra tiyew ngak e girdi’ nu fayleng.