Amos 4:4 - Bible Ni Thothup

⁴ I SOMOL ni Th’abi Tolang e be ga’ar, “Gimed e girdi’ nu Israel, fa’anra thingar mu denen gad, me’ere mmarod ngam denen gad ko fa gin ba thothup u Bethel! Marod nga Gilgal, ngam rin’ed e ngongol nib denen ngari musmus rogomed riy! Mu feked e gamanman i yib ni ngam pi’ed ni maligach u reb e kadbul ngu reb, mi gimed fek ta’ab guruy ko ragag guruy e tin bay romed ni yu duk’uf.

Amos 4:4 Iomraidhean Croise

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

Ezekiel 20:39

I SOMOL ni Th’abi Tolang e ga’ar, “Ma chiney, e gimed gubin piyu Israel, mu guyed e n’en ni ngam rin’ed! Mpired riy ngu’um tedfan e pi liyos romed.” Machane gu be yog ngomed ni tomuren e bine’ e bay mu folgad rog migmed tal i m’aynag fan fithingag nib thothup ko pi tow’ath ni gimed be pi’ ko pi liyos romed.

Hosea 12:11

Ma yug aram rogon ma yibe meybil ngak e pi liyos u Gilead, ma pi’in yad ma meybil ngak e liyos e bay ni thang owcharad. Pi garbaw ni pumo’on e yibe maligach ngay u Gilgal, ma pi altar u rom e bayi par ni yu ulung i malang u daken e ted.”

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Hosea 9:15

Be ga’ar SOMOL, “Gubin e ngongol rorad nib kireb e tabab u Gilgal. Ireram e gin gu tabab i dabuy dakenrad riy. Ma bay gu tulufrad ngar chuwgad u daken e nam rog, ni bochan e kireb ni kar rin’ed. Aram e dabkur t’ufgad rog; gubin e pi tayugang’ rorad ma kar togopluwgad ngog.

Amos 3:14

Chirofen ni gu ra gechignag e pi girdi’ nem nu Israel ni bochan e denen rorad, e bay gu kirebnag fapi altar rok Bethel. Fapi gagey ko tabthung ko pi altar nem e bay nt’ar nge puth nga but’.

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”

Matthew 23:32

Ere mmu’ niged e n’en ni tababnag e pi chitamangimed kakrom!

Matthew 26:45

Me sul ngak pi gachalpen me ga’ar ngorad, “Mogned, kigimed be mol ni gimed be toffan? Mu sapgad, ke taw fare awa ni ngan pi’ e en ni Fak e Girdi’ riy nga pa’ e girdi’ nib tadenen.

Mark 14:41

Ma fa’ani sul e yay ni man e dalip ngay me ga’ar ngorad, “Mogned, kigimed be mol ni gimed be toffan? Ke yag! Ya ke taw ko fare awa! Mu sapgad, en ni Fak e Girdi’ e kan pi’ e chiney nga pa’ e pi tadenen.

Mark 5:5

ni yugu be yan u fithik’ e burey nge yiy ni yima chibgiliy e yam’ riy ni rran nge neap’, ni be tolul ma be maad’adnag downgin ko malang.

Deuteronomy 26:12

“Gubin e yu dadalip e duw ma ga pi’ ragag e pasent ko ggan nike yib ko woldug rom ngak e pi Levi, nge pi milekag, nge pi bitir ni kanim’ rorad, nge ppin nike yim’ figirngirad, ya nge urngin e girdi’ miyad gaman ko ggan. Nap’an ni ga ra mu’ i rin’ e biney,