Amos 4:1 - Bible Ni Thothup

¹ Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Amos 4:1 Iomraidhean Croise

1 Kings 16:24

ma aram me chuw’iy fachi burey nu Samaria nga 6,000 yang e silber rok fare mo’on ni fithingan e Shemer. Me yororiy Omri fachi burey, me ubung bochi binaw u rom, me tunguy fithingan ni Samaria, ni aram e bod fithingan Shemer, ni facha’ ni immoy ni tafen e chi burey nem.

BABYOR NI JOB 20:19

ni bochan e i gafgownag e pi’in gafgow ma i fek owchen u dakenrad. ma i leag e pi naun ni gathi ir e toy.

BABYOR NI JOB 24:4

Yad ma taleg mat’wun e gafgow miyad mod yargel ko pi’in gafgow ngar milgad ngar mithgad.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 140:12

SOMOL, gumnang ni ga ma n’ufeg e pi gafgow ko oloboch rorad nge mat’wun e pi’in bt’uf e ayuw rorad.

Psalms 22:12

Pire’ e to’ogor ni ka ra yin’edgag nga longob ni yad bod e garbaw ni pumo’on, go’ ka ra liyegedgag, ni bod fapi garbaw ni pumo’on ndamumuw nu Bashan.

Proverbs 22:7

Girdi’ ni gafgow e yad e sib ko en ni bfel’ rogon. Ga ra man salpiy ni malfith ma ga ra mang sib ko en ni kam malfith ngak.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Isaiah 5:8

Gafgow gimed! Gimed be chuwi’iy e naun nib yo’or nge yungi flang ni ngam puthuyed ko tin kabay romed. Dabki n’uw nap’an ma dakriy e gin nge par be’ ngay, nge par ni go’ gimed e ngam pired u lan fare nam.

Isaiah 56:12

Pi girdi’ ney ni yad ba chingnag e yad be ga’ar, ‘Da feked boch e wayin ngad unumed gubin e tin rayag rodad! Gabul e ba gel e fel’ riy ko daba’.’”

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Jeremiah 50:27

Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Jeremiah 51:34

Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Jeremiah 6:6

I SOMOL ni Gubin ma Rayag Rok e pi’ e thin rok ko fapi pilung ni ngar th’abed e gek’iy nga but’ miyad ubung e but’ ngar thabey niged yu Jerusalem nge yag nra koledyad. Me ga’ar, “Bay gu gechignag e re binaw ney ni bochan e ngongol rorad nib kireb.

Jeremiah 7:6

Dab ku um guyed rogon ni nge fel’ rogomed u puluwon e girdi’ u yugu boch e nam, nge bitir ni kanim’ rorad, nge pi’in ni ppin nike yim’ figirngirad. Dab ku um thanged e pogofan rok e girdi’ ndawori bucheg ban’en u lan e re gin’ey. Dab ku um meybilgad ngak yugu boch e got ni aram e gimed be tay farad, ya ban’en nra kireb nagmed.

Ezekiel 18:12

Ma ban nag e pi’in gafgow, mma moro’ro’ u fithik’ e yargel, ma dar ma fulweg e n’en ni pi’ be’ ngak ni mich ko n’en ni ka nib nning ngak ni nga ni maruwel ngay nge mu’ min fulweg. Ma meybil ngak e liyos nma meybil yugu boch e girdi’ ngay, mma rin’ e tin ndab ni rin’,

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Ezekiel 22:29

Pi’in ba’aram nib pire’ ban’en rorad e yad ba sasaliyeb miyad ba moro’ro’, ni yad be gafgownag e pi’in gafgow make mangita’ ngorad ni ngu’ur gafgow niged e milekag.

Ezekiel 22:7

Dakriy bigmed u lan binaw nma liyor ngak e gallibthir rok. Gimed be sasalap ko milekag ma kemang i ta’ ngomed ni gimed be gafgownag e pi’in keyim’ figirnginrad nge bitir ni kanim’ rorad.

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Ezekiel 39:18

Yad e ngar longyed downgin e fapi salthaw miyad unum racha’en e pi tayugang’ nu fayleng, ni pi’in ni ngan li’rad ni bod e saf ni pumo’on nge saf ni kab bitir ara kaming ara garbaw ni pumo’on nib sugsug.

Joel 3:3

Ra girengiyed e pow riy ni ir e nge duwgiliy ko mini’ rorad e nge fek e pi’in kan kolrad. Kar pi’ed nchuway’ e pagel nge rugod ni ngar manged sib ni fan e ngar chuw’iyed e wayin nge ppin ni yad ma falchuway’ ngorad.

Amos 3:1

Gimed e girdi’ nu Israel, mu telmed ko pi thin ni ba’aray nike weliy SOMOL ni murung’agmed, gimed fare nam ni ga’ngin ni fek nga wuru’ yu Egypt:

Amos 3:3

Rayag ni milekag l’agruw ni’ u ta’bang ndar weliyew ni ngar mada’ gow?

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Amos 6:1

Kar mu gafgow gad e pi’in ni gimed be par u Zion nib mom urngin ban’en ngomed ndariy ban’en ni be magafan’med ngay, nge gimed e pi’in ni kam pired u Samaria ni gimed be finey ndariy ban’en nra buch romed, ni gimed e pi tagagiyeg ni gilbugwan ko fare nam nu Israel nib ga’, gimed e pi’in ma yib e girdi’ ngomed ni ngam ayuweged!

Amos 6:6

Gimed be unum e wayin ni yu dabiy, ma gimed be thiy ko tin th’abi fel’ e florida, machane da mur yor niged e mogothgoth nike tay yu Israel.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Numbers 21:33

Ma aram me cheal yu Israel ngranod ko kanawo’ i yan nga Bashan, ma Og ni Pilung nu Bashan e rabad e salthaw rok ni ngar chamgad ngorad u Edrei.

Deuteronomy 24:14

“Dab mu sasalap ngak be’ nib gafgow ni be maruwel rom, demturug ko be’ u Israel fa be’ u bang ni be par u reb e yochi binaw romed.

Deuteronomy 28:33

Yug reb e nam ndam nanged e bayi fek urngin e woldug ni kam yunged nrib gel e maruwel nim ted riy, ma dariy ban’en nra yib ngomed, ya kemus ni gafgow e bay i yib ngomed ni gubin ngiyal’ ma tin ba kireb e bay un rin’ ngomed.