Amos 3:9 - Bible Ni Thothup

⁹ Nge lungumed ngak e pi’in yad be par u lan e pi tafen e pilung u Ashdod ngu Egypt: “Mmu’ulung gad ko pi burey nu Samaria ngam guyed gelngin e wagagey u rom ko kireb ni yibe ngongliy u lan binaw.”

Amos 3:9 Iomraidhean Croise

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

Proverbs 1:13

Gadad ra pir’eg urngin mit e pin’en nib t’uf ma ba tolang puluwon, ma gadad suguy e naun rodad ko pin’en ni kad iringed!

Proverbs 11:16

Be’ ni bpin nib gol e yira tayfan, ma be’ ni bpin nib kireb pangin e ba thiyar. Girdi’ ni gamead e dariy bingyal’ nrayag e salpiy ngak, machane girdi’ ni gelfen e ra yo’or e salpiy rorad.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Jeremiah 31:5

Ma aram e bay ku mu yunged yungi milay’ ni grapes u daken e flang nu Samaria, ma pi’in bay ra yunged e bay ra ked wom’ngin.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Ezekiel 36:8

Machane p’ebgul fapi burey nu Israel e bay ki sum yuwan e gek’iy riy me pi’ wom’ngin ni fan ngomed gimed e girdi’ rog nu Israel. Dabki n’uw nap’an ma bay mu sulod nga tabnaw.

Ezekiel 37:22

Bay gu ulunguyrad ngar manged girdi’en ta’ab nam u daken e pi burey nu Israel. Bay ra pired ni ta’reb e pilung e be gagiyeg nagrad, ma gathi bay kur pired ni yad girdi’en ruw i nam ara rki’gad ngar l’agruw ulunggad u tan pa’ l’agruw i pilung.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Amos 1:8

Bay gu chuweg e pi’in yad be gagiyeg ko pi binaw nu Ashdod ngu Ashkelon. Bay gu gechignag e binaw nu Ekron, ma urngin piyu Filistia ni kar mageygad e bay ram’ad.”

Amos 4:1

Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Amos 6:1

Kar mu gafgow gad e pi’in ni gimed be par u Zion nib mom urngin ban’en ngomed ndariy ban’en ni be magafan’med ngay, nge gimed e pi’in ni kam pired u Samaria ni gimed be finey ndariy ban’en nra buch romed, ni gimed e pi tagagiyeg ni gilbugwan ko fare nam nu Israel nib ga’, gimed e pi’in ma yib e girdi’ ngomed ni ngam ayuweged!

Amos 6:3

Gimed be guy rogon ni ngam mal’af niged fare rran ni bay yib e gafgow ngomed, machane ngongol ni gimed be tay e be chugur nag e re rran nem.

Amos 8:6

Rayag ni ngad marketgad ko wheat ni de fel’ ma ba tolang puluwon. Bay da sap niged be’ nib gafgow ni dabiyag ni nge thang e malfith rok, ni mus nga puluwon ba sus ma dabyag ni nge pi’ puluwon, ngad chuw’iyed nge mang ba sib.”

Mikah 6:10

U lan e pi naun rok e pi’in kireb e bay e machaf riy nra feked u fithik’ e sasalap. Yad be sasalapiy i foleg ban’en, aram ban’en ni gub fananikay.

1 Samuel 5:1

Nap’an ni fek e pi Filistine fare Kahol ko M’ag rok Got u fithik’ e mael miyad fek u Ebenezer ko binaw nu Ashdod.