Amos 3:12 - Bible Ni Thothup

¹² Be ga’ar SOMOL, “Rogon ba layon ni be longuy ba saf me yib be’ nma gafaliy e saf i laeg rok l’agruw raba’ i ay fare saf ara ta’ab raba’ i yuwan tel, e aram rogon ni bayi ayuweg Got piyu Israel ni be par u Samaria — rib lich i yad e bayi fos. Ma chiney e yad ba thig u daken e pi couch ni tolang puluwon.”

Amos 3:12 Iomraidhean Croise

1 Kings 20:30

Ma pi arorad ni magach ni kabfos e ra milgad ngalan fare binaw nu Afek, me puth e pi yoror ko fare binaw nga daken rliw’ nge medlip bbiyu’ i yad. Ma ku errogon Benhadad niki mil ngalan fare binaw nge yan i mith ngalan ba senggil ni bay u tabgul u ba naun.

1 Kings 20:34

Me ga’ar Benhadad ngak, “Bay gu fulweg ngom fa yuchi binaw ni fek e chitamag rok e chitamam, ma rayag ni ngam ngongliy bang u Damaskus nge mang tagil’ e siyobay rom, nri bod rogon ni i rin’ e chitamag u Samaria.” Me fulweg Ahab ni ga’ar, “Fa’an arrogon, ma aram nggu pagem ngam man.” Me ngongliy ba tha’ u thilrow me pag Benhadad nge yan.

1 Kings 22:25

Me ga’ar Mikayah, “Bay mu nang ko ngiyal’ ni bay mman nga reb e senggil u ba’ ni tabugul ko naun ni ngam mith.”

2 Kings 16:9

Ma fulweg rok Tiglath Pileser ko wenig rok Ahaz, e yan nge pi salthaw rok ngar maelgad ngak yu Damaskus ngar koled, miyad thang e fan rok Rezin ni Pilung, mar feked fapi girdi’ nga Kir ni yad bogi kalbus.

Ester 1:6

Lan e re yoror nem e kan nunuwnag nga yungi kateng ni cotton, ni kan m’ag nga yul’ i gaf ni linen nib purple rama’en ni kan the’ ngalan yugaf i bachal nib silber ni bay ko duga’ ni marble. Ma chiya ni gol nge silber e kan tay u lan fare yoror i yan. Lan e re yoror nem e kan filath e malang ni marble nib wech riy, nge malang ni yo’or ra’en, nge yu raba’ i yar nib mat ra’en, nge turquoise nib ra’en mak’ef.

Ester 7:8

Ka fin yigi pag ir nga but’ nga daken ba chiya’ nib n’uw ni bay Ester u daken ni nge wenig ni ngan runguy me sul fare pilung nga senggil nike yib u milay’. Nap’an ni guy fare pilung e n’en ke rin’ Haman, me tolul ni ga’ar, “Mogew, re mo’on ney e nge kol le’engig u roy u p’eowcheg, u lan e naun rog?” Ma yug nap’an ni non fare pilung ni aram rogon me upunguy fapi eunuch lolugen Haman.

Psalms 132:3

“Dab gu wan nga tabinaw rog ara gu wan nga chob;

Isaiah 17:7

Ra taw ko rofen nem, ma ra sul e girdi’ ngar ninged e ayuw ngak e En ni Sunumiyrad, ni fare Got nu Israel nib thothup.

Isaiah 31:4

I ga’ar SOMOL ngog, “Rogon ni dabiyag ni tuluf bogi tagafaliy e saf ba layon rok ba gamanman nike li’, ndemturug ga’ngin lamrad ni yad be tolul ni nge chuw, e aram rogon ndariy ban’en nrayag ni nge teg u urel, I Gag fare SOMOL ni Gubin ma Rayag Rok, ni nge dab ku gu yoror rok e Burey ni Zion.

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”

Amos 6:4

Ri bay mu gafgow gad e pi’in ni gimed be k’iyagmed nga daken yungi couch ni fefalel’, gimed be li’ pifak e garbaw nge saf ngu’um mur gad.

Amos 9:8

I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.