Amos 3:1 - Bible Ni Thothup

¹ Gimed e girdi’ nu Israel, mu telmed ko pi thin ni ba’aray nike weliy SOMOL ni murung’agmed, gimed fare nam ni ga’ngin ni fek nga wuru’ yu Egypt:

Amos 3:1 Iomraidhean Croise

2 Kronicles 20:15

Me ga’ar Jahaziel, “Gur e en Pilung nge gimed gubin e girdi’ nu Judah ngu Jerusalem, be ga’ar SOMOL e thingar dabi mulan’med ara mu rusgad ni ngam chamgad ngak fare raba’ i salthaw nib ga’. Re mael ney e ba milfan ngak Got, gathi gimed.

Isaiah 46:3

“Gimed e pi’in owchen Jakob, mu telmed ngog, ni gimed urngin e pi’in kam mageygad ko girdi’ rog. Kug ayuwegmed ni ka nap’an nni gargel nagmed.

Isaiah 48:12

Be ga’ar SOMOL, “Mmotoyilgad ngog gimed e girdi’ nu Israel ni gag e kug piningmed! I gag Got, ko tobolngin nge tungun, kemus ni gag e Got!

Jeremiah 13:11

Ri bod feni machache’ e yu lay i zubong ney nga luknguy, e aram rogon ni u gu leamnag ni nge urngin e girdi’ nu Israel ngu Judah ni ngar chichi’iyed pa’rad rog. Gu rin’ ni aray rogon ya ngar manged tirog e girdi’ mu dakenrad e ngan pining e sorok riy ngog mi ni mathangeluwolnag fithingag; machane dar folgad rog.”

Jeremiah 31:1

Be ga’ar SOMOL, “Bay ba ngiyal’ ni be yib ni bay gu par ni kugmang Got rok urngin e pi ganong nu Israel, ma bay ra manged girdi’eg.

Jeremiah 8:3

Ma girdi’ ko re nam ni kireb ney ni magach nde yim’, ni yad be par ko yungi n’en ni kug weregrad riy, e ku yad ba’adag ni ngarm’ad ko bin ni ngar pired ni yad bfos. I Gag SOMOL ni Gubin ma Rayag Rok e gu be non.”

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Amos 4:1

Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Amos 5:1

Mu telmed, piyu Israel, ko re tangin e gum’eyag ni ba’aray ni gu be yin’ ni fan ngomed:

Mikah 2:3

Ere SOMOL e ke ga’ar, “Kug finey ni ngug girngiy e gafgow nrib gel nga dakenmed, ma dabiyag ni gimed ra mil riy. Ma dabkiyag ni ngu’um marod ni gimed ba uf, ya bay mpired ni kar mu gafgowgad.

Mikah 3:1

Gimed e pi’in gimed be gagiyegnag e girdi’ nu Israel, mmotoyil gad! Susun e ngam leam niged ngu’un rin’ e tin nib yal’uw,

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Revelation 2:29

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”