Amos 2:8 - Bible Ni Thothup

⁸ Gubin e tagil’ e meybil ma girdi’ riy e yad be mol nga daken e mad ni kar feked rok e pi’in gafgow ni talpen e malfith rorad. Yad ma unum e wayin u lan e tempel ko Got rorad nra feked rok e pi’in ni bay e malfith rorad ngorad.

Amos 2:8 Iomraidhean Croise

Exodus 22:25

“Fa’an ga ra pi’ e salpiy ngak reb e girdi’ rog nib gafgow, ma dab mun’ e win rom ngay ni bod be’ ni yima fek e salpiy rok min fulweg ngak nike mun e ris ngay.

Isaiah 57:7

Kam marod ko burey ntotolang ni ngam pi’ed e maligach romed ma gimed be ngongliy e ngongol ko darngal.

Ezekiel 18:12

Ma ban nag e pi’in gafgow, mma moro’ro’ u fithik’ e yargel, ma dar ma fulweg e n’en ni pi’ be’ ngak ni mich ko n’en ni ka nib nning ngak ni nga ni maruwel ngay nge mu’ min fulweg. Ma meybil ngak e liyos nma meybil yugu boch e girdi’ ngay, mma rin’ e tin ndab ni rin’,

Ezekiel 18:7

Dar ma sasaliyebnag be’ ara iring ban’en rok be’ u fithik’ e yargel. Ma ra pi’ be’ ban’en ngak ni nge mang mich ko n’en nike yib i ning fa’anem ngak ni nge maruwel ngay nge mu’ me fulweg, ma fare n’em ni ka ni pi’ ngak ni nge mang mich e ma fulweg; mma pi’ e ggan ngak e en nike yim’ ko bilig mma pi’ e mad ngak e en ndariy e mad rok.

Ezekiel 23:41

Ma yow par nga daken bang i sofa ni bfel’ ya’an, miyow fal’eg rogon e tebel nga charen nib sug daken ko tin fafalel’ ban’en, nib mu’un e incense nge gapgip ko olive ngay nigag e gu pi’ ngorow.

Hosea 4:8

Ke yo’or ban’en romed ni bochan e denen ko girdi’ rog, are gimed e gimed ba’adag ni ngu’ur pirednag e denen.

Hosea 7:14

Darir yul’yul’gad ko meybil rorad ngog, machane yad be pagedyad nga but’ ngu’ur dololoy’gad ni bod nma rin’ e girdi’ nde nangeg, nap’an ni yad ra meybil nag e grain nge wayin, miyad rasay dowrad ni bod e girdi’ ni denang Got. Ke pag rogon e togopluw rorad.

Amos 3:14

Chirofen ni gu ra gechignag e pi girdi’ nem nu Israel ni bochan e denen rorad, e bay gu kirebnag fapi altar rok Bethel. Fapi gagey ko tabthung ko pi altar nem e bay nt’ar nge puth nga but’.

Amos 4:1

Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Amos 6:4

Ri bay mu gafgow gad e pi’in ni gimed be k’iyagmed nga daken yungi couch ni fefalel’, gimed be li’ pifak e garbaw nge saf ngu’um mur gad.

Amos 6:6

Gimed be unum e wayin ni yu dabiy, ma gimed be thiy ko tin th’abi fel’ e florida, machane da mur yor niged e mogothgoth nike tay yu Israel.

1 Korinth 10:21

Dabiyag ni ngam unumed ban’en ko kap rok Somol mikigimed unum ban’en ko kap rok e pi mo’onyan’; dabiyag ni ngam abichgad u tebel rok Somol mikigimed abich u tebel rok e pi mo’onyan’.

1 Korinth 10:7

ara ud ted fan ma gadad be meybil ko liyos nma meybil boch e girdi’ ngay ni bod e n’en ni i rin’ boch i yad. Ni bod rogon ni be yog e babyor nib thothup ni be ga’ar, “Pi girdi’ nem e ra pired nga but’ ngar abichgad miyad garbod, miyad sak’iy ni ngar churu’gad.”

1 Korinth 8:10

Ya fa’anra be tamdag be’ ni nge kay, me guyem gur be’ nib “tamilangan’um” riy ni ga be un ko abich u lan e Tempel rok ba liyos, ma gathi ra finey ni ku errogon ir nrayag ni nge kay e ggan nni pi’ ngak e liyos?

Judges 9:27

Mranod nga ted ngar kunuyed e grape, ngar ngongliyed e wayin riy, miyad tay ba madnom. Ranod ngalan e tempel ko got rorad, ngu’ur abichgad ma yad be garbod ma yad be makak’arnag Abimelek.