Amos 2:4 - Bible Ni Thothup

⁴ Be ga’ar SOMOL, “Girdi’ nu Judah e kar denen gad bayay nge bayay, erfan nri bay gu gechig nagrad. Ya kar darifan niged e machib rog ma darir folgad ko thin ni kugog. Ke waliyrad e pi got rorad ni go’ bogi ban’en nga wuru’ e wo’, ni bogi got ni i pigpig e pi chitamangirad ni kakrom ngorad.

Amos 2:4 Iomraidhean Croise

2 Kings 17:19

Machane ku mus ngak e girdi’ nu Judah ndar folgad ko pi motochiyel rok SOMOL ni Got rorad; ya ra uned ko pi yalen nike un e girdi’ nu Israel ngay.

2 Kronicles 25:14

Nap’an ni sul Amaziah nike gel ngak piyu Edom, me fek e pi liyos rorad nge un ngak, me tay ngalang ngi i tay farad, mi i urfiy e incense ni fan ngorad.

2 Kronicles 30:7

Dab mu boded e pi chitamngimed nge pi walagmed ni piyu Israel nda ur yul’yul’gad ngak SOMOL ni Got rorad. Ya ka mu guyed nike gechig nagrad nrib gel.

Nehemiah 1:7

Ngongol romad e ba togopluw ngom, ma da ug folgad ko thin rom. Fapi motochiyel ni mpi’ ngomad u pa’ Moses ni tapigpig rom e da ug folgad riy.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Isaiah 28:15

Gimed be uf ni ka mu ngongliyed e m’ag u thilmed nge yam’, ma ke ta’reb lungmed fare fayleng ko yam’. Mmich u wun’med nra yib e riya’ ma dabi bit’ ngomed, ya gimed be toer ko malulifith l’ugun nge sabanban ni nge yororiymed ndabi buch ban’en romed.

Isaiah 44:20

Bod feni balyang be’ ni be kay e awat. Leam rok ni leam ko balyang e ke fek nga wuru’ e wo’ ndabkiyag ni yira ayuweg. Der pat ngan’ ni re liyos nem nike kol nga pa’ e gathi ba got.

Jeremiah 16:11

Ma aram e ngamog ngorad ni SOMOL e ke ga’ar, ‘Pi chitamangimed e ra pi’ed keru’rad ngog ng’ur ted fan ma yad be pigpig nga yug boch e got. Ra n’iged gag ni da ku ra folgad ko tin gu machib nag.

Jeremiah 16:12

Machane kireb ni ka mu rin’ed e ke thum’ ngaru’ ko tin i rin’ e pi chitamangimed. Gimed gubin nib gelan’med ma ba kireb e leam romed, ma damur folgad rog.

Jeremiah 17:27

Machane thingar ra folgad rog ngar tedfan e Sabbath ni bod borran nib thothup. Thangri dabra feked ban’en nib tomal ngalan e pi garog nu Jerusalem e rofen nem, ma fa’an yad ra rin’, ma bay gu urfiy e pi garog nu Jerusalem nem. Bayi urfiy e nifiy e pi tafen e pilung u Jerusalem nga but’, ni dariy be’ nrayag ni nge thang.”

Jeremiah 6:19

Fayleng, mmotoyil! Ku gu fek e mogothgoth i yib ngak e pi girdi’ ney, ni mogothgoth ni bay rogon ni ngan pi’ ngorad; ya dar folgad ko thin rog, ma ka ra pi’ed keru’rad ko tin ni ug machibnag ngorad.

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Jeremiah 8:9

Pi’in gonop romed e ka ni tamra’ nagrad; ke wagagay lanin’rad ka ra ma’achthalgad. Ka ra furyed e thin rog, ere ba mang gonop e kabay rorad e chiney?

Jeremiah 9:14

Ya ra gel niged lanin’rad ngu’ur meybilgad ngak fapi liyos ni fan ngak fare liyos ni Baal, ni bod rogon nike fil pi chitamangirad ngorad ni ngu’ur rin’ed.

Ezekiel 13:22

“Sasalap l’ugun romed e be lul’weg laniyan’ e girdi’ nib manigil, ni girdi’ ndagur finey ni nge gafgow. Gimed be tay tanggin e girdi’ ni kireb nge dab rpaged e kireb ni yad be rin’ ngar aywegned e yafos rorad.

Ezekiel 20:13

Machane mus u rom u daken e ted ma kuyad be togopluw ngog riy. Rth’abed e motochiyel rog miyad pi’ keru’rad ko tin gog ni ngan rin’ nra fek e yafos i yib ko en nra fol riy. Kar dariyfan niged e Sabbath. Ere kug fal’eg rogog ni nggu gechig nagrad ngar thamiyed ga’ngin gelngin e damumuw rog ni nggu thang owcherad u rom u daken e ted ni desert.

Ezekiel 20:16

Gu micheg ni aram rogon ni bochan e ra furuyed e thin rog, nge motochiyel rog, miyad dariyfannag e Sabbath, miyad duwgiliy ni ngar tedfan e pi liyos rorad.

Ezekiel 20:18

Ere mu gu ta’chiylen ngak pifakrad ni dab ra uned nga ngonglen e pi gallabthir rorad ara rfalwokgad ko pi kanawo’ rorad ni kireb ara ur ted fan e pi liyos rorad.

Ezekiel 20:24

Gu rin’ e biney ni bochan e kar pi’ed keru’rad ko thin rog, ma kar th’abed e motochiyel rog, ma kar dariyfan naged e Sabbath, ma yad be tayfan fapi liyos ni i pigpig e pi chitamangirad ngay.

Ezekiel 20:30

Ere chiney e ngamog ngak piyu Israel e n’en ni gu be yog: “Mangfan ni kigimed be ngongliy e pi denen ni i ngongliy e pi chitamangimed ngu’um lol’oeged e pi liyos rorad?

Ezekiel 22:28

Pi profet e yad be mithag e pi den’en ney ni bod e pumo’on ni yad ma upnguy thibngin bang i rungrung ko ma’chaw. Ma pilyeg e changar rorad ngu’ur roged bogi yi’iy ni de riyul’. Yad ma ga’ar thin rok SOMOL ni Th’abi Tolang, machane I Gag SOMOL e dawor gu non ngorad.

Ezekiel 22:8

Ke ma’fan e yungi n’en nib thothup u wun’med, ma damur tedfan fare Sabbath.

Hosea 12:2

Bay e thin ni nge yog SOMOL nib togopluw ngak e girdi’ nu Judah; ma aram e ngki gechignag yu Israel ni bochan e tin be rin’ e girdi’ riy. Bayi fulweg taban ngorad e tin kar rin’ed.

Hosea 12:3

En ni ga’ rorad i Jakob e i tagenging ngak walagen i Esau ni kanap’an ni yow bay u yin e chitiningin row; ma nap’an ni ilal Jakob me cham ngak God —

Hosea 6:11

“Gimed e girdi’ nu Judah, e kug duwgiliy e ngiyal’ ni nggu gechig nagmed ko n’en ni gimed be rin’.

Amos 1:3

Be ga’ar SOMOL, “Girdi’ nu Damaskus e kar denen gad bayay nge bayay. Ri bay gu gechig nagrad, ya rib kireb e n’en ni kar ngongliyed ngak e girdi’ nu Gilead.

Amos 3:2

“U fithik’ gubin e nam nu fayleng ma kemus ni gimed e gu ma nangmed ma gimed ba t’uf rog. Aram e n’en nike ubchiya’ nag e tiromed e denen, aramfan ni dabisiy nthingar ggechig nagmed.”

Mikah 6:12

Pi’in yo’or ban’en rorad u lan binaw e yad be bannag e pi’in gafgow u puluwon e chugum. Ya gimed urngin ni gimed ma lifith l’ugunmed.

Habakkuk 2:18

Mang e yira fanay ba liyos ngay? Ya kemus ni ban’en ni pa’ e girdi’ e ni ngongliy ngay, ma dabiyag rok ni nge weliy ngom e tin riyul’. Mang e n’en ni bfel’ nrayag ni rin’ ngak e en ni toy nra pagan’ ngay, ni ba got ni mus ko numon ma dabiyag rok!

Roma 1:25

Kar thiliyeged e tin riyul’ ni murung’agen Got ko tin nde riyul’; yad be tayfan ma yad be meybil ma yad be pigpig ko tin ni sunumeg Got ma darir rin’ed ngak e Cha’ ni ir e sunumeg urngin ban’en, ni ir e nganog e sorok ngak ndariy n’umngin nap’an! Amen.

1 Thessalonika 4:8

Ere cha’ nra n’ag e re machib ney e gathi ke n’ag e girdi’, ya ke n’ag Got ni ir e ma pi’ e Kan Nthothup rok ngomed.

1 Peter 1:18

Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.