Amos 2:11 - Bible Ni Thothup

¹¹ Gu turguy boch e pumo’on ni pifakmed ni ngar manged profet, nge boch e pagel romed ni ngar manged e pi nazirite. Gimed piyu Israel, gur de riyul’ e pi thin ney? I Gag SOMOL e kugog e pi thin ney.

Amos 2:11 Iomraidhean Croise

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

1 Kings 19:16

nge Jehu nib mo’on ni fak Nimshi nge mang pilung nu Israel. Mu kum liyef e gapgep nga lolugen Elisa ni fak Shafat ni be’ u Abel Meholah nge yan nga luwam nge mang profet.

1 Kings 20:13

Ngiyal’nem me yan ba profet ngak Ahab ni Pilung, me ga’ar ngak, “Be ga’ar SOMOL, ‘Dab mu rus nga ga’ngin e raba’ i salthaw nem! Bay gu tem ngam gel ngak e daba’, ma bay munang ni gag SOMOL.’”

1 Kings 20:35

I yog ba profet ni girdi’en ba ulung i profet ngak bagyad fapi profet ni yow nga ulung ni nge pirdi’iy, ya aram rogon nike yog SOMOL ngak. Machane de rin’ facha’,

1 Kings 20:41

Me guchthiy fare profet fare gi mad u owchen, ma ka ngiyal’nem me poy fare pilung ni ir reb fapi profet.

1 Kings 22:8

Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”

2 Kings 17:13

Ma ke l’oeg SOMOL e pi mol’og rok nge pi profet ni ngar ginanged yu Israel nge yu Judah ni ga’ar, “Mu paged e pi ngongol romed ni kireb mi gimed fol ko pin’en ni kugog ni ngan rin’, ni bay u lan fare Motochiyel ni gu pi’ ngak e pi chitamangimed kakrom, ma ku ir e gu pi’ ngomed u daken e pi profet ni tapigpig rog.”

2 Kings 6:1

Ba ulung i profet nma yog Elisa e thin rorad e lungurad ngak Elisa, “Gin’en ni gadad be par riy e kayigi achig.

2 Kronicles 36:15

I SOMOL ni Got rok e pi chitamngirad e de tal ni i l’oeg e pi profet ngu’ur ginanged girdi’en, ni bochan e ba’adag ni nge dabi thangrad nge fare Tempel ni dabi kirebnag.

Jeremiah 11:21

Girdi’ nu Anathoth e yad ba’adag ni nggum’, karoged ngog ni yad ra thang e fan rog ni fa’anra ku gu be wereg e thin rok SOMOL i yan.

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Jeremiah 2:5

Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Jeremiah 26:11

Me ga’ar e pi prist nge pi profet ngak e pi’in yad be yog e thin nge ngak e girdi’, “Re mo’on ney e bay tapgin ni ngan duwgiliy ni ngan li’ ngem’ ni bochan e ke welthin nib togopluw ko binaw rodad. Ka mu rung’aged nga telmed e tin ke weliy.”

Jeremiah 7:25

Chirofen ni ba’aram ni yib pi chitamangimed nga wuru’ yu Egypt ke mada’ ko bin daba’ e rran, e ku gu par ni gu be pi’ urngin e pi tapigpig rog ngu’ur bad ngomed, ni fapi profet.

Lamentations 4:7

Pi tayugang’ romad e yad ba machalbog ko ayis ma yad ba wech ko milik; downgirad e ba famsow nib t’obt’ob nib gal ra’en.

Mikah 2:6

Girdi’ e yad be machib ngog ni be lungurad, “Dab mmachib nagmad. Dab mmachib nag murung’agen urngin e pin’ir. Ya Got e dabi tamra’ nagdad.

Acts 4:18

Miyad piningrow nga senggil bayay ngrogned ngorow ndakuriy e ngiyal’ ni ngar weliyew fa ra machibgow u fithingan Jesus.

Acts 5:28

“Kug ted chiylen ngomed ndab kum machib niged fithingan nge murung’agen e re mo’on nem; machane amuguyed aray e n’en ni kam rin’ed! Kam wereged e tin ni gimed be machibnag u gubin yang u Jerusalem, ma gimed ba’adag ni ngan leamnag ni gamad e gu warod u murung’agen ngan li’ ngem’!”

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Deuteronomy 18:18

Bay gu pi’ ngorad ba profet ni bod gur ni bayi sum u fithik’ e tirorad e girdi’; bay gog ngak e thin ni nge weliy ngorad, ma bayi weliy ngorad urngin e tin kugog ni ngar rin’ed.

1 Samuel 19:20

me l’oeg boch e pumo’on ngranod ni ngar koled David ngar feked i yan ngak. Miyad guy ba ulung i profet ni yad be weliy e yi’iy, ni Samuel e bay nga m’on rorad. Ma aram me yib i ying gelngin Got ngak fapi pumo’on nike l’ograd Saul, ma ku er rogon yad nra tababgad i weliy e yi’iy.

1 Samuel 3:20

Ma aram me par ni urngin e girdi’ nu Israel u baley e nam nge mada’ nga baley ni yad manang ni Samuel e riyul’ ni ir ba profet rok SOMOL.