Amos 1:6 - Bible Ni Thothup

⁶ Be ga’ar SOMOL, “Girdi’ nu Gaza e kar denen gad bayay nge bayay. Ri bay gu gechig nagrad, ya kar feked girdi’en reb e nam ni polo’ kar pi’ed nchuway’ ngak e girdi’ nu Edom ni ngar manged sib.

Amos 1:6 Iomraidhean Croise

2 Kronicles 28:18

Ma ku ngiyal’ n’ey e ku be cham piyu Filistia ngak e yuchi binaw nu enggin e burey ko ngal ngu lan e yimuch u Judah. Ngar feked u fithik’ e yargel fapi binaw nu Beth Shemesh, Aijalon, Gederoth, nge pi binaw nu Soko, ngu Timnah, ngu Gimzo nib mu’un e yuchi binaw u to’obrad ngay, me par piyu Filistia u rom nda kura chuwgad.

Jeremiah 47:1

U m’on ni nge cham fare pilung nu Egypt ko yochi binaw nu Gaza, me yog SOMOL ngog ni ngugog ngak piyu Filistia:

Ezekiel 35:5

“Umpared ni gimed ba to’ogor yu Israel bay ni pag girdi’en ngan nli’rad fa ngiyal’ nike aw e gafgow ngak, ni aram e ngiyal’ nni gechignag ko denen rok e yay ni tomur.

Joel 3:4

“Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Joel 3:6

Kam feked e girdi’ nu Judah ngu Jerusalem nga orel ko nam rorad kam pi’ed yad nchuway’ ngak piyu Greece.

Amos 1:11

Be ga’ar SOMOL, “Girdi’ nu Edom e kar denen gad bayay nge bayay, ere ri bay gu gechig nagrad. Kar lol’oged e girdi’ rorad ni piyu Israel, ni der kireban’rad ngorad. Dariy folan e damumuw rorad ni yug be par ni der m’ay.

Amos 1:3

Be ga’ar SOMOL, “Girdi’ nu Damaskus e kar denen gad bayay nge bayay. Ri bay gu gechig nagrad, ya rib kireb e n’en ni kar ngongliyed ngak e girdi’ nu Gilead.

Amos 1:7

Ere bay gu pag e nifiy nga daken e pi yoror nu Gaza nge urfiy e pi naun ni ba’ riy ni kan ngongliy rogon ni fan ko mael.

Amos 1:9

Be ga’ar SOMOL, “Girdi’ nu Tyre e kar denen gad bayay nge bayay, ni erfan nri bay gu gechig nagrad. Kar feked girdi’en ba nam ni polo’ ni kalbus ko nam nu Edom, ma dar ted u tagil’ fare m’ag ko tha’ nra ngongliyed ni nge par ni bfel’ thilrad.

Obadiah 1:11

Mu gilaf ngam telem u orel u nap’an ni t’ar e pi to’ogor e garog rorad nga but’, ta’reb fanam kireb ngak e pi girdi’ nu bang nem ni kar feked e fla’ab u pa’ yu Jerusalem kar f’othed u dakenrad.

Zekariah 9:5

Fare binaw nu Ashkelon e ra guy e ran’ey me rus ngay. Fare binaw nu Gaza e ra guy me gafgow ko amith nib gel. Ma ku arrogon yu Ekron, ni dabki pagan’ ko pin’en ni i lagan’ ngay. Gaza e bayi par ni dakriy e pilung riy, mu Ashkelon e bay ni pag ni dakriy e wulgo’ riy.

Acts 8:26

Me non ba engel rok Somol ngak Filip ni ga’ar, “Mu fal’eg rogom ngam sor ko yimuch ko fare pa’ i kanawo’ ni yan u Jerusalem nga Gaza.” (Re pa’ i kanawo’ nem e dakunir yan riy.)

1 Samuel 6:17

Pi Filistine e ra pi’ed lal i gol ni ya’an e bir ngak SOMOL ni tow’ath nge bayul rorad ngak ko denen rorad, nreb e pa’ Ashdod, ma reb e pa’ Gaza, ma reb e pa’ Ashkelon, ma reb e pa’ Gath, ma reb e pa’ Ekron.