Amos 1:5 - Bible Ni Thothup

⁵ Bay gu bilig e garog nu Damaskus mu gu chuweg e pi’in yad ma par u lan e Loway ni Aven nge en nma gagiyeg u Betheden. Ma girdi’ nu Syria e bay ni fekrad ni kar manged kalbus ko nam nu Kir.”

Amos 1:5 Iomraidhean Croise

2 Kings 14:28

Gubin e tin kabay ni ki rin’ Jeroboam, ni feni m’uthan nge falu’ ko pi mael, nge rogon ni fulweg yu Damaskus nge yu Hamath ngak yu Israel, e go’ kani yoloy ngalan Chepin e Pilung nu Israel.

2 Kings 16:9

Ma fulweg rok Tiglath Pileser ko wenig rok Ahaz, e yan nge pi salthaw rok ngar maelgad ngak yu Damaskus ngar koled, miyad thang e fan rok Rezin ni Pilung, mar feked fapi girdi’ nga Kir ni yad bogi kalbus.

Isaiah 22:6

Pi salthaw ko nam nu Elam e karbad u daken e os, ni bay talin e cham rorad ni gat’ing nge gan e gat’ing. Ma salthaw nu Kir e kar falflaged rogon e yungi shield rorad.

Isaiah 43:14

I SOMOL ni fare Got nib thothup nu Israel ni ir e lufmed u pa’ e to’ogor romed e be ga’ar, “Bay gu l’oeg baraba’ i salthaw ni pire’ nga Babylon ngar chuweged gimed u pa’ e to’ogor romed; bay gu t’ar e mab ko pi garog ko binaw, ma tolul ni be tay e girdi’ riy e bayi ngal’ ni meyor.

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”

Jeremiah 50:36

Yam’ e nge tay e pi profet riy ni yad ba sasalap l’ugun — ri yad bbalyang! Yam’ e nge tay e salthaw riy — karm’ad ko marus!

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Lamentations 2:9

Pi garog riy e ke mathrow nga chabungen e tin ke puth, ma pi dubchey ko garog e ke m’ingm’ing ke yochyang. Fare pilung nge pi tolang rok e kan fekrad ni kalbus ngabang. Fare Motochiyel e daknir machibnag, nge pi profet ni dakir pilyeg SOMOL e changar rorad.

Ezekiel 27:23

Binaw nu Haran, Kanneh, ngu Eden nge pi ta siyobay u Sheba nge binaw nu Isshur, ngu Chilmad — e yad gubin ni um thilyeged e chugum.

Ezekiel 30:17

Pi’in pagel ko pi binaw nu Heliopalis ngu Bubastis e yad ra yim’ ko mael, ma tin ni magach e girdi’ e yira fek ni kalbus.

Hosea 10:8

P’ebgul fapi burey nu Aven ni aram e gin ma meybil e girdi’ nu Israel riy ko liyos, e bay i mogoth. Rachangal nge pan e bay i ilal nge tharay e pi altar rorad. Girdi’ e bay ra tolulgad ko pi burey ni yad be ga’ar, “Mmithagmad!” miyad ga’ar ko yochi burey, “Mu upnguyed gamad!”

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”

Amos 9:7

I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Nahum 3:13

Pi salthaw rom e dariy ban’en nrayag rorad, ma nam rom e kem’ay gelngin u p’eowchen e pi to’ogor rom. Nifiy e bayi kirebnag e man’ ko garog rom.