Acts 9:25 - Bible Ni Thothup

²⁵ Machane me reb e neap’ me fek e pi’in kar folgad ngak Saul fa’anem i Saul ngar ted ngalan ba dug ngan nguchuruy nga but’ u ba winda ko yoror ni malang ko re binaw nem.

Acts 9:25 Iomraidhean Croise

Matthew 15:37

Miyad kay ni yad gubin ngar fosgad ngay. Me kunukunuy pi gachalpen e ggan ndaki m’ay i kay me gaman medlip e dug riy.

Acts 11:29

Pi’in gachalpen Jesus e ra turguyed ni nge bagayad me pi’ urngin e tin nrayag rok ngar ayuweged e pi’in walagrad ni girdi’en Kristus ni yad be par u Judea.

Acts 9:24

machane minog ngak e n’en ni kar leam niged ni ngar rin’ed. Miyad matnagiy e pi garog ni yan ngalan binaw ni rran nge neap’ ni fan e ngar thanged e pogofan rok.

Acts 9:26

Me yan Saul nga Jerusalem me guy rogon ni nge cheag ngak e pi’in gachalpen Jesus u rom. Machane de pagan’rad ngak nike mang reb i gachalpen Jesus, ya yad gubin ni yad be tamdag ngak.

2 Korinth 11:33

Machane gu par ngalan ba dug ngan nguchuruyeg nga but’ u ba winda ko re yoror nem ni malang, mu gu thay rok.

Joshua 2:15

Rahab e ma par u lan ba naun ni kan toy nga fithik’ fare yoror ni malang ko re binaw nem, me nguchruy ba tal u winda rok nge yan u ba’ ni wuru’ e yoror ko fare binaw nga but’ nge yan fa gali mo’on riy nga but’.