Acts 9:13 - Bible Ni Thothup

¹³ Me fulweg Ananias ni ga’ar, “Somol, bo’or e girdi’ ni karogned ngog murung’agen e re mo’on nem, ni murung’agen urngin e kireb nike rin’ ngak e tirom e girdi’ u lan yu Jerusalem.

Acts 9:13 Iomraidhean Croise

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Acts 22:4

Ug gafgownag e girdi’ ni ur folgad ko biney e Kanawo’ ni mus ko pogofan rorad ni ug thang. Ug kol e pumo’on nge ppin nggon’rad nga kalbus.

Acts 8:3

Machane me guy Saul rogon ni nge thang mit fare galesiya, ni be yan u reb e naun nga reb ni be girengiy e pi’in ke mich Jesus u wun’rad nga waen, ni pumo’on nge ppin, ngi i yin’rad nga kalbus.

Acts 9:1

Ma re ngiyal’nem e ka be yan Saul ni be yog ni nge thang e pogofan rok e pi’in gachalpen Somol. Me yan ngak fare Prist ni Th’abi Ga’

Acts 9:21

Ma urngin e girdi’ ni rung’ag e n’en ni yog e ra gin gad, miyad fith ni lungurad, “Gathi ireray fare mo’on ni i thang e fan rok e pi’in yad be meybil ma yad be tayfan e re ngachal ney u lan yu Jerusalem? Ma gathi ke yib ngaray ni fan e nge kol e mit i girdi’ nem nge fulwegrad ngak e pi tolang ko prist?”

Acts 9:32

Me milekag Peter u gubin yang, ma ba yay e yan nga Lydda nge yan i guy e pi’in girdi’en Got ni be par u rom.

Acts 9:41

Me kol Peter pa’ nge ayuweg nge sak’iy. Ma aram me pining Peter fa pi’inem nib mich Jesus u wun’rad nge fapi ppin nike yim’ figirngirad, me pi’ fa’anem i Tabitha ngorad nike fos.

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Roma 15:31

Mu yibilgad ni nge ayuwegneg Got rok e pi’in nde mich Jesus u wun’rad ni yad bay u Judea, me m’ag u wan’ e girdi’ rok Got nu rom e pigpig ni bay gu tay u lan yu Jerusalem.

Roma 16:15

Nge felan’ Got ngak Filologus nge Julia, nge Nereus nge walagen ni ppin, nge ngak Olympas nge urngin e girdi’ rok Got ni yad bay rorad.

Roma 16:2

Mu t’ufeged u fithingan Somol, ni yalen ni nge rin’ e girdi’ rok Got, mi gimed ayuweg ko tin nge yag ngak; ya ir e ba ga’ e ayuw nike pi’ ngak bo’or e girdi’ nge gag.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

1 Korinth 14:33

ya Got e gathi ke piningdad ni nge dab kud yaramgad, machane ngad pired ni gadad ba gapas. Rogon urngin e galesiya rok girdi’en Got

1 Korinth 16:1

Nggu wan nga murung’agen e salpiy ni ngan kunuy ni ngan ayuweg e pi’in girdi’en Got ngay ni yad bay u Judea: thingar mu rin’ed e tin kugog ngak girdi’en e galesiya nu Galatia ni ngar rin’ed.

1 Korinth 6:5

Mu tamra’gad ngomed! Rib muduwgil ni bay ta’abe’ u lan e ulung romed nib gonop nrayag rok ni nge pithig e malu’ag thin rok e pi’in walagey ni girdi’en Kristus!

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus:

Filippi 1:1

Re babyor ney e yib rok Paul nge Timothy, ni yow e tapigpig rok Kristus Jesus — Ngak urngin e girdi’ rok Got ni yad be par u Filippi, nike mich Kristus Jesus u wun’rad, nge pi’in yad be tay murung’agen girdi’en e galesiya nge pi’in yad be ayuweg girdi’en e galesiya.

Filippi 4:22

Urngin e girdi’ rok Got ni yad bay u roy, ni ba ga’ ni pi’in nib mil farad nga tafen e en ni Emperor e karogned ni nge felan’ Got ngomed.

Kolose 1:2

Ngak e girdi’ rok Got nu Kolose, ni pi’in yad ba yul’yul’ ni kad walaggad u daken Kristus: I Got ni Chitamangidad e ngi i ayuwegmed ma be pi’ e gapas nga lanin’med.

Hebrews 13:24

Mogned ngak e pi’in yad be yog e thin romed nge ngak urngin e girdi’ rok Got ni be lungumad e nge felan’ Got ngorad. Pi walagdad nu Italy ni walagdad u daken Kristus e be lungurad e nge felan’ Got ngomed.

Jude 1:3

Pi tafager rog nri gimed ba t’uf rog! Ug guy rogon ni nggu yoloy nga babyor nggu pi’ ngomed murung’agen kanawo’en ni thapegdad Got ngak, ma aram mu gu finey ni nggu yol ngomed nggog ni ngam athamgilgad ngu’um pired ko fare mich nike pi’ Got ngak girdi’en nri ta’ab yay me par ni errogon.

1 Samuel 16:2

Me fith Samuel ni ga’ar, “Uw rogon ni nggu rin’ e binir? Ya ra rung’ag Saul me thang e fan rog.” Me fulweg SOMOL ni ga’ar, “Mfek ba pifak e garbaw nge un ngom ma gog ni ka mub ni ngam pi’ ba maligach ngak SOMOL.