Acts 8:9 - Bible Ni Thothup

⁹ Ma bay be’ nib mo’on ni Simon fithingan nma par u lan e re binaw nem, ni bay ba ngiyal’ ni ngat piyu Samaria ngak ni bochan e pig ni i tay. Ma be yog ni ir e ba sorok,

Acts 8:9 Iomraidhean Croise

Exodus 7:11

Ma aram e fare pilung e pining e pi gonop nge pi ta pig, miyad rin’ ni ku aram rogon.

Exodus 7:22

Ma pi tapig u Egypt e ra piggad miyad rin’ ni aram rogon me yog rorad, fin aram e ri gelnag fare pilung laniyan’. Ma de fol ko thin rok Moses nge Aron, nri bod rogon ni fa’ani yog SOMOL.

Exodus 9:11

Ma fa pi tapig e de yag ni ngarbad nga p’eowchen Moses, ya ke sug e lot u dowrad ma ku arrogon gubin e girdi’ nu Egypt.

Levitikus 20:6

“Fa’anra yan be’ ni be ning e ayuw ngak e girdi’ nma non ko pi thagith, ma bay gu cheal nggu togopluw ngak ma dakriy bangyal’ ni gu ra leamnag ni ir reb e girdi’ rog.

John 7:18

Ya en ni thin rok e be weliy e be guy rogon ni nge mang ir e yog e girdi’ e sorok ngak. Machane en ni be guy rogon ni nganog e sorok ngak e en ni l’oeg nge yib e ba yul’yul’, ma tin riyul’ e be yog.

Acts 13:6

Miyad th’ab e re donguch nem nga baraba’ ngranod nga Pafos, aram e gin nra pir’eged be’ riy nib tapig ni BarJesus fithingan, ni ir be’ u Israel ni be yog ni ir reb e profet.

Acts 13:8

Machane me togopluw Elymas ngorow, ni be’ nib tapig (ireray fithingan ko thin nu Greece); i guy rogon ni nge pingeg fare am nge dabi mich Jesus u wan’.

Acts 5:36

Dawori n’uw nap’an ni yog Theudas ni ir be’ ni ba ga’; ma gonap’an e aningeg mir’ay e girdi’ ni un ngak. Machane min li’ ngem’ me wear urngin fapi girdi’ ni i un ngak, me math e tin ni i muruwliy.

Acts 8:11

Ke n’uw nap’an ni kar ngatgad ngak ko pig ni i tay, ni aram fan ni kar pired ni kar uthmed telrad ko tin be yog.

2 Thessalonika 2:4

Ma bayi togopluw nga urngin ban’en nma meybil e girdi’ ngay nge urngin ban’en ni bay rogon ngak Got. Ma bayi tay ir nib tolang ko pin’ey ni gubin, ni mus ngalan e Tempel rok Got ni bay yan i par riy nga but’ me yog ni ir Got!

2 Timothy 3:2

Ya bayi par e girdi’ ni kemus ni yad e yad be leam nagrad, ma kari gel e chogow rorad, ma kar ufanthin gad, ma ke tolangan’rad ni yad be leamnag nri ba ga’ farad; ma bay urogned e thin nib kireb ngak e girdi’, ma bay dab kur folgad rok e gallibthir rorad, ma bay dab kur pininged e magaer ngak be’ u lanin’rad, ma bay dab kur liyorgad ngak Got;

2 Timothy 3:5

ma bay ur dake yad be liyor ngak Got, machane bay ra pi’ed keru’rad nga gelngin. Mu tem u orel rok e pi girdi’ nem.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.