Acts 8:33 - Bible Ni Thothup

³³ Ni tamra’nag ma da ni pi’ mat’wun ngak. Dariy be’ nrayag ni nge weliy murung’agen e pi’in owchen, ya n’umngin nap’an ni nge par u fayleng e ke taw nga nap’an ni nge mus.”

Acts 8:33 Iomraidhean Croise

BABYOR NI JOB 34:5

I Job e be yog ni ir e bfel’ e rok, ma Got e ke fek rok mat’wun.

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Psalms 22:30

pi mfen ni bay rabad e bay ra pigpiggad ngak; girdi’ e bay ra weliyed murung’agen SOMOL ngak e tin bay yib e mfen.

Isaiah 10:2

Aray rogon ni gimed ma taleg e pi’in gafgow u mat’awrad nge tin bfel’ ngorad. Ma arogon ni gimed ma leag e gayog rok e pi’in ke yim’ figirngirad nge pi’in kanim’ rorad.

Isaiah 5:23

Gimed ma fanay puluwon e sasaliyab ni ngam paged e pi’in nib kireb e rorad ngranod, ma gimed ma tay e pi’in ni bfel’ e rok ni de yag ngorad e tin mat’owrad.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Isaiah 53:12

Mu gu pi’ ngak tagil’ ni ngu’un tay fan riy, ni bang u fithik’ e pi tagil’ ko girdi’ nib sorok ma ba gel gelngirad. Pi’ ir ngan li’ ngem’, min ta’reb rogonnag ngak e girdi’ nike th’ab e motochiyel. Me yan i fek luwan e pi tadenen ni pire’, me meybil ni nge n’ag Got fan e denen rorad.”

Isaiah 53:7

“Rib gel e gafgow ntay ngak, machane me athamgiliy u fithik’ e sobut’an’; de yog ta’ab bugithin. Bod ba pifak e saf ni yibe n’en ni ngan li’ ngem’, bod ba saf ni yibe n’en ni ngan th’ab bunu’en nge m’ay, ma de yog ta’ab bugithin.

Isaiah 53:8

Nib ni kol min turguy ni ngan li’ ngem’ mu’un fek i yan ni ngan li’, ma dariy be’ ni rusnag ko n’en ni bay nrin’ ngak. Ni thang e fan rok ni bochan e denen rok e girdi’ rodad.

Daniel 9:26

Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Habakkuk 1:4

Motochiyel e ke waer ma kem’ay fan, ma dakunir rin’ e tin nib yal’uw. Tin nib yal’uw e ka ni pingeg nga bang, ke yan i aw ni girdi’ ni kireb e kar gelgad ngak e pi’in yad ba mat’aw.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Acts 8:34

Me ga’ar fa’anem nib tolang ngak Filip, “Mog ngog ko mini’ e cha’ney ni be weliy e profet murung’agen. Ir e be weliy murung’agen ara yugu be’ e be weliy murung’agen?”