Acts 8:32 - Bible Ni Thothup

³² Ma gin’en ni bay u lan e babyor nib thothup ni ir e be be’eg e ba’aray ni be ga’ar: “I ir e bod rogon ba saf nni fek i yan ni ngan li’ ngem’, i ir e bod rogon ba fak e saf nde non ko ngiyal’ nth’ab bunu’en. De yog ta’ab bugithin.

Acts 8:32 Iomraidhean Croise

Psalms 39:2

Kug th’ab gulungag, nda gog ta’ab bugithin, mus nga ban’en ni bfel’ mda gog! Machane, mi ri gel boch e gafgow ngog,

Psalms 39:9

Bay gu th’ab gulngag, ni ta’ab bugithin ma dab gog, ya gur e kam teg ni ngug gafgow ni aray rogon.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Jeremiah 12:3

Machane, SOMOL, I gur e ga manangeg; gur e ga be guy e n’en ni gu ma rin’ nge rogon fanam t’uf rog. Mu girengiy e pi girdi’ nib kireb ney nga orel ni bod e saf ni ngan li’ ngem’; mu matanagiyrad nge mada’ ko ngiyal’ ni ngan thang e pogofan rorad.

Jeremiah 51:40

Bay gu fekrad ni ngan thangrad, ni bod rogon e saf, pifak e saf nge kaming. I Gag SOMOL e kugog e pi thin ney.”

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Acts 8:31

Me fulweg fare mo’on nib tolang ni ga’ar, “Uw rogon mu gu nang fan ni fa’anra dabi weliy be’ fan ngog?” Me yog ngak Filip ni nge yib ngak ngalang nge par nga to’oben u daken e karrow.

Roma 8:36

Ni bod rogon ni be yog e babyor nib thothup ni be ga’ar: “Polo’ e rran ni gamad be yan u thathren e riya’ ni bocham, kan taymad ni gowa gamad e saf ni ngan li’ ngem’.”

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;

1 Peter 1:19

racha’en Kristus ni map’ ni ba ga’ fan e ir e ke pithigmed u pangimed nib m’ayfan, ni pi’ ir ni bod ba pifak e saf ndariy bang u dow nib kireb ara ba alit.