Acts 7:53 - Bible Ni Thothup

⁵³ Gimed e pi’in nni pi’ e motochiyel rok Got ngomed, ni engel rok Got e yib i pi’ — machane dawor mfolgad riy!”

Acts 7:53 Iomraidhean Croise

Psalms 68:17

Ma yib Somol u Sinai nge yan ngalan fa gin nib thothup, nike un ngak yu biyu’ i chariot rok.

John 7:19

I Moses e pi’ e Motochiyel ngomed, errogon fa danga’? Machane dariy ta’a bigimed ni be fol ko re Motochiyel nem. Mangfan ni gimed be guy rogon ni ngam thanged e fan rog?”

Acts 7:38

I ir fa’anem ni mu’ulung piyu Israel nga daken bangi ted ma bay rorad; immoy u rom ni yad e pi chitamangidad nge fare engel ni fa’ani welthin ngak u daken e burey ni Sinai; ni weliy e thin rok Got ngak ni nge mang ir e fek e re thin rok Got nem nge pi’ ngodad, ni aram fare thin ni bay e yafos riy.

Galatia 3:19

Ere mang ni pi’ Got fare Motochiyel? I puthuy ko n’en ni ognag ni nge pi’ ngak Abraham ni fan e nge dag ko mang e ngongol nib kireb, me finey Got ni nge par e re Motochiyel nem nge yan i mada’ ko ngiyal’ ni bay yib i m’ug riy fa’anem ni ir e owchen Abraham, ni ir fa’anem ni ognag Got. Ma fare Motochiyel e pi’ Got ngak e pi engel ngarbad ra pi’ed ngak e girdi’, ni bay be’ nib mo’on ni ir e mang maaf ko re Motochiyel ney u thilin e pi engel nge girdi’.

Galatia 6:13

Mus ngak e pi’in kar paged yad ni ngan maad’ad nagrad e darir folgad ko fare Motochiyel rok Moses; ma yad ba’adag ni ngan maad’ad nagmed ni fan e nge yag nra, ufanthin gad ngay ni yad e kar pingeged gimed kam folgad rorad kan tay e re pow ney nga dowmed.

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Hebrews 2:2

Thin rok Got ni yog e pi engel ngak e pi chitamangidad e yib i m’ug nib riyul’, ma en nde tiyan’ ngay ara de fol riy e ni gechignag nrogon ni ngan gechignag.