Acts 7:49 - Bible Ni Thothup

⁴⁹ I Somol e be ga’ar, ‘Tharmiy e ir e tagil’ig, ma fayleng e tagil’ e magif ko rifrif u eg. Ere bmit i mang naun e ngam toyed ni nggu tafnay? Bu uw e gin’en ni ngug gif ngay?

Acts 7:49 Iomraidhean Croise

1 Kings 22:19

Me ul ul Mikayah ngay nge ga’ar, “Mu telim ko thin keyog SOMOL! Kug guy SOMOL nike par nga tagil’ u tharmiy, ni bay e pi engel rok ni yad ba sak’iy u to’oben.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

2 Kronicles 6:18

“Machane, Got, mog rayag rom ni ngarim par u roy u fayleng u fithik’ e pumo’on nge ppin? Mus ngalan e tharmiy ni ga’ngin ma dab mu taw nga langgin, ere bu uw rogon ma ga taw ngalan e re Tempel ney ni kug toy?

Psalms 11:4

SOMOL e bay u lan e tempel rok nib thothup; ma tagil’ e bay u tharmiy. Be yaliy e girdi’ u gubin yang ma manang e n’en ni yad be rin’.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Matthew 23:22

ma fa’anra micheg be’ ban’en nga fithingan e tharmiy ma be micheg nga fithingan tagil’ Got nge en nike par ngay.

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”

John 4:21

Me ga’ar Jesus ngak, “Ppin, nge mich u wun’um e tin kugog, bayi taw nga ba ngiyal’ ni gathi bay ki meybil e girdi’ ngak e en ni Chitamangiy u daken e re burey ney ara lan yu Jerusalem.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.