Acts 6:8 - Bible Ni Thothup

⁸ I Stefen ni be’ nib mo’on ni ba ga’ e ayuw nike tay Got ngak ma ke pi’ Got gelngin e i ngongliy bogi maang’ang ni ba ga’ nge bogi n’en ni un ngat ngay u fithik’ e girdi’ i yan.

Acts 6:8 Iomraidhean Croise

John 4:48

Me ga’ar Jesus ngak, “Dariy bigimed nra gu mich u wan’ ni fa’anra dab mu guyed e maang’ang ni ba ga’ ma bfel’ ni kug ngongliy.”

Acts 6:10

Machane me pi’ fare Kan Nthothup e gonop ngak Stefen, ya fa’ani welthin Stefen, ma dakiyag ni ngar togopluwgad ngak.

Acts 6:15

Ma urngin e pi’in kar pired nga but’ u lan fare ulung nra lik’athgad ngak Stefen, miyad guy owchen nike bod rogon owchen ba engel.

Acts 6:3

Ere gimed e pi walagmad u daken Jesus e ngam mel’eged medlip ni’ u fithik’med ni gimed manang ni yad ba sug ko fare Kan Nthothup ma yad ba gonop, ma gadad tayrad ni yad e nge milfan e gaf ney e maruwel ngorad.

Acts 6:5

Ma urngin gathon fare ulung ni fel’ u wun’rad e tin ke yog fapi apostel; ma aram miyad mel’eg Stefen, ni be’ nib mo’on nrib mich Jesus u wan’ ma ba sug ko fare Kan Nthothup, ma ku errogon Filip, nge Prokorus, nge Nikanor, nge Timon, nge Parmenas, nge Nikolaus ni be’ u Antiok, ni gathi ir be’ u Israel, machane me pig nge un ko ba’ rok yu Israel e taliw.

Acts 7:55

Machane i Stefen, nib sug ko fare Kan Nthothup, e sap ngalang me guy e fla’ab rok Got, nge Jesus nib sak’iy u ba’ ni mat’aw rok Got.

Acts 8:6

Ma fa yu ulung i girdi’ ni aram urngirad e ra uthmed telrad ko n’en ni i weliy Filip ngorad. Yad gubin ni ur motoyilgad ngak ma yad be guy e maang’ang ni be ngongliy.

Efesus 4:11

I ir e en ni “tow’athnag e girdi’ ”, nra be’ ma n’en nib salap riy, me turguy boch ni ngar manged apostel, ma boch e turguy ni ngar manged profet, ma boch e turguy ni ngar machib niged ngak e girdi’ fare Thin Ni Bfel’, ma boch e turguy ni ngar manged pastor ma ngar filed fan e thin rok Got ngak e girdi’.

1 Timothy 3:13

Ma pi arorad ni bfel’ e maruwel nike rin’ e ra fel’ u wan’ e girdi’ mrayag rorad ni ngar weliyed murung’agen e michan’ rorad ngak Kristus Jesus ndab ra tamdaggad.