Acts 6:3 - Bible Ni Thothup

³ Ere gimed e pi walagmad u daken Jesus e ngam mel’eged medlip ni’ u fithik’med ni gimed manang ni yad ba sug ko fare Kan Nthothup ma yad ba gonop, ma gadad tayrad ni yad e nge milfan e gaf ney e maruwel ngorad.

Acts 6:3 Iomraidhean Croise

Exodus 18:21

Ma tin kabay ni ngam rin’, e ngam mel’eg boch e pumo’on u fithik’ e pi girdi’ ney, ni bay madgun Got u wun’rad, ma rayag ni nge pagan’uy ngorad, ma daburad e sasalap. Ma ga ta’rad ni yad e ga’ ko yu ulung i girdi’ ni yu biyu’, nge yu ra’ay, nge yu wugem, nge yu ragag.

Isaiah 28:26

Manang rogon ni nge rin’ e maruwel rok, ni bochan e ke fil Got rogon ngak.

Isaiah 28:6

Bayi pi’ e leam nib yal’uw ngak e pi’in bay ra pired ni yad e tapuf oloboch, me pi’ e athamgil nga laniyan’ e pi’in ngar sabthiyed e cham ko fapi garog ko binaw.

Matthew 23:8

Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

John 21:23

Ma aram me wear bbugithin u fithik’ e pi’in yad ma fol rok Jesus ni cha’nem ni gachalpen e dabi yim’. Machane de yog Jesus ni dabi yim’ e cha’nem; ya rogon ni yog e ga’ar, “Fa’anra gub adag ni nge par nib fos nge yan i mada’ ko ngiyal’ ni bay gub riy, ma ngam kuni’eg?”

Acts 1:15

In e rran nga tomuren me mu’ulung e pi’in ke mich Jesus u wun’rad, ni gonap’an yad ra’ay nge rliw’ u gubin, me sak’iy Peter ngalang ni nge welthin.

Acts 1:21

“Ere dabisiy ni nge cheag be’ nib mo’on ngodad ni be’ ni ir reb e mich ko fos ko yam’ ni tay Somol Jesus. Thangri yan i aw ni ir bagayad fa pi’inem ni ur moyed rodad u n’umngin nap’an ni ud milekaggad Somol Jesus, ni tabab ko ngiyal’ ni i machibnag John murung’agen e tawfe nge yan i mada’ ko chirofen nni fek Jesus rodad ngalang ngalan e tharmiy.”

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Acts 15:23

Miyad pi’ e babyor ngorad ngar feked ni ba’aray e thin riy. “Gamad e pi apostel nge pi’in pi’ilal, ni er walagmed, e be lungumad e nge felan’ Got ngak urngin pi walagmad ni pi’in nni gargelegrad ma gathi yad piyu Israel, ni yad be par u lan yu Antiok ngu Syria, ngu Cilicia.

Acts 16:2

Ma urngin e walag ni girdi’en Kristus ni yad ma par u lan yu Lystra ngu lan yu Ikonium e ra weliyed murung’agen Timothy ni be’ ni bfel’.

Acts 2:4

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Acts 22:12

“Ma bay be’ nib mo’on u rom ni Ananias fithingan, ni be’ nma liyor ngak Got mma fol ko Motochiyel rodad, ma urngin piyu Israel ni yad ma par u lan yu Damaskus ni yad ma tayfan.

Acts 28:14

Ma gamad pir’eg boch e girdi’ u rom nib mich Jesus u wun’rad, miyad wenig ngomad ni nggu pired rorad ni reb e wik. Ma aram ma gamad yib nga Roma.

Acts 6:2

Me ulunguy fa ragag nge l’agruw i apostel urngin pi gachalpen Jesus nga ta’bang me lungurad ngorad, “De mat’aw ni nggu paged i machibnag e thin rok Got ngak e girdi’, mu gu tedan’mad ko tin ni nge yag ngak be’ nge be’.

Acts 6:5

Ma urngin gathon fare ulung ni fel’ u wun’rad e tin ke yog fapi apostel; ma aram miyad mel’eg Stefen, ni be’ nib mo’on nrib mich Jesus u wan’ ma ba sug ko fare Kan Nthothup, ma ku errogon Filip, nge Prokorus, nge Nikanor, nge Timon, nge Parmenas, nge Nikolaus ni be’ u Antiok, ni gathi ir be’ u Israel, machane me pig nge un ko ba’ rok yu Israel e taliw.

Acts 6:6

Me fekrad fare ulung i yan nga p’eowchen e pi apostel, me tay e pi apostel pa’rad nga dakenrad ngar yibiliyed yad.

Acts 9:30

Ma fa’ani nang e pi’in walagen ni aram girdi’en Jesus, miyad fek Saul nga Cesarea miyad pi’ nge yan nga Tarsus.

1 Korinth 12:8

Kan Nthothup e bay n’en me pi’ gelngin be’ nge yag rok fa’anem ni nge fonownag e girdi’ u fithik’ e gonop, ma ku re Kan Nthothup nem e pi’ gelngin yugu be’ nge yag rok fa’anem ni nge tamilangnag fan e thin rok Got u wan’ e girdi’.

1 Korinth 16:3

Nap’an ni bay gub mu gol’oeg e pi pumo’on ni gimed e kam dugliyed ni ngar feked e salpiy ni kam kunuyed nib tow’ath i yan nga Jerusalem, ma bay gu yoloy e babyor ni murung’agen urngin ban’en nggu pi’ ngorad ngar feked.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Deuteronomy 1:13

Mu mel’eged boch e pumo’on ni yad ba gonop, ma ba tamilangan’rad, ni pumo’on ko pi ganong romed, nike yo’or ban’en ni karanod u fithik’ u lan e yafos rorad. Bay gu tayrad nge mang yad e ur guyed gimed.’

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

3 John 1:12

Urngin e girdi’ ma yad be yog ni bfel. Ma ku er rogomad ni gamad be micheg e re bugithin nem, ma ga manang ntin ni ku gogned e ba riyul’.