Acts 6:13 - Bible Ni Thothup

¹³ Miyad fek boch e pumo’on i yib ni ngar tunguyed e thin nga daken Stefen. Me ga’ar fa picha’, “Re mo’on ney e gubin ngiyal’ ni be welthin nib togopluw ko Tempel rodad nib thothup nge fare Motochiyel rok Moses.

Acts 6:13 Iomraidhean Croise

Psalms 27:12

Dab mu n’igeg nga pa’ e to’ogor rog; ni yad be togopluw ngog ko thin ni yad be t’ar nga dakenag ma yad be yog ni ngar rin’ed ban’en ngog.

Psalms 35:11

Be welthin e girdi’ ni kireb nib togopluw ngog, ma pi kireb ni yad be yog ni kug rin’ e dagnang murung’agen.

Psalms 56:5

Pi to’ogor rog e yad be k’ar oloboch ngog ni polo’ e rran; yigu yad be leamnag kanawo’en ni ngar gafgow nigedgag!

Hosea 7:4

Yad gubin ni yad ba sasalap ni dariy e yul’yul’ rorad. Fananikan rorad e be gabulbul ni bod e nifiy u lan e wum ni cha’ ni be lum flowa e der bit’ ngay nge taw ko ngiyal’ nike fel’ rogon e flowa ni ngan lith.

Matthew 24:15

“Bay mu guyed e N’en ni Th’abi Dabuy nike sak’iy u lan fa gin’en nib thothup, ni ir e fa’ani weliy Daniel ni profet murung’agen.” (En nra poy e re bugithin ney e ngari tiyan’ ngay nge nang fan!)

Matthew 26:59

Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’;

Acts 21:28

Miyad tolul ni lungurad, “Gimed piyu Israel, mu ayuweged gamad! Ireray fare mo’on ni be machibnag urngin e girdi’ i yan ni be machib nib togopluw ngak e girdi’ nu Israel, nge fare Motochiyel rok Moses, nge re Tempel ney. Ma chiney e mus ngak boch e girdi’ ni gathi yad piyu Israel nike fekrad i yib ngalan e Tempel ke alitnag e re gin’ey nib thothup!” (

Acts 25:8

Machane me ayuweg Paul ir ni ga’ar, “Dariy ban’en nib kireb ni kug rin’ nib togopluw ko Motochiyel rok piyu Israel, ara Tempel, ara Emperor nu Roma.”

Acts 6:11

Ma aram miyad pi’ puluwon boch e pumo’on ni nge lungurad, “Kug rung’aged Stefen nike welthin nib togopluw ngak Moses nge ngak Got!”

Acts 7:58

Miyad girengiy i yan nga wuru’ e binaw miyad malangnag u rom. Ma fa pi’in nra welthingad nib togopluw ngak Stefen u lan tafen e mu’ulung e ra pi’ed e thal ni wuru’ e mad rorad ngak be’ nib mo’on ni kab pagel ni Saul fithingan ni ngi i guy.

Hebrews 7:12

Ya fa’ani thil e prist ma ku errogon e motochiyel ni thil.