Acts 5:3 - Bible Ni Thothup

³ Me ga’ar Peter ngak, “Ananias, mang ni kam pagem ngak Satan kemang ir e ke gagiyegnag lanin’um ke muruwliyem kam lifith l’ugunam ngak fare Kan ni Thothup ni bochan e kam cha’riy bang fare salpiy ni yag ngom ni puluwon fare gi binaw?

Acts 5:3 Iomraidhean Croise

BABYOR NI JOB 22:13

Ma ga be fith e chiney ni be lungun, “Ba mang e manang Got? Ke rungrung e manileng ngak — ere bu uw rogon ni nge pufthin nagdad?”

Proverbs 20:25

Ngam fal’eg i tafnenag u m’on ni ngam ognag ban’en ngak Got. Ya richey mag kalngan’um riy ta’boch.

Eklesiastes 5:4

Ere nap’an ni ga ra micheg ban’en ngak Got, ma ga gurnag u payngin nrayag ngam tay u gil’. Ya ir e dem’ag u wan’ be’ nib balyang. Ere mu rin’ e n’en ni kammicheg.

Isaiah 29:15

Ke riya’ e pi’in yad ma mithag rok SOMOL e tin ni ka ra tanom niged ni ngar rin’ed! Ma yad be ngongol nib mith ma yad be leamnag ndariy be’ ni be guyrad ara manang e n’en ni yad be ngongliy.

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

Hosea 11:12

SOMOL e ga’ar, “Girdi’ nu Israel e kar liyegned gag ko felfel’ llugun nge ban, ma girdi’ nu Judah e ki yad be togopluw ngog, ni Gag fare Got nib yul’yul’ ma ba thothup.

Numbers 30:2

Nap’an nra mow be’ ni ognag ban’en ni nge pi’ ngak SOMOL fa micheg ni nge taleg ir u ban’en, ma thangri dabi pag e n’en nike micheg, ma thangri rin’ urngin e tin ni yog ni nge rin’.

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Luke 22:3

Ma aram me yan i ying e mo’onyan’ ngak Judas, ni yima pining Iskariot ngak, ni ir reb fa ragag nge l’agruw i gachalpen Jesus.

John 13:2

Ma aram e bay Jesus nge pi gachalpen ni yad be abich ko blayal’. Ma ke mu’ i tay rok mo’onyan’ nga laniyan’ Judas, ni fak Simon Iskariot, ni ir e nge yagnag Jesus.

John 13:27

Ma nap’an ni kay Judas fa gi flowa, me ying Satan ngak. Me yog Jesus ngak ni ga’ar, “Mu gur nigem ngam rin’ e n’en nthingar mu rin’!”

Acts 5:2

machane me tay bang fare salpiy ni ir e nge fanay, ni manang e bpin rok, me fek e tin ke magey nge pi’ ngak e pi apostel.

Acts 5:4

Dawor mpi’ e binaw rom ni chuway’ me gur e mmil fan ngom, ma fa’ani mpi’ ni chuway’ nge yib e salpiy riy ma ka gur e fanam. Ere mangfan ni mturguy u lanin’um ni ngam ngongliy e binir e ngongol? Gathi girdi’ e kam lifith l’ugunam ngak, ya kam lifith l’ugunam ngak Got!”

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

Deuteronomy 23:21

“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.

James 4:7

Ere mpi’ed gimed nga pa’ Got ngam paged famed ngak. Mi gimed togopluw ngak fare mo’onyan’, me mil romed.

1 Peter 5:8

Mu tiyan’med ngam ayuwgad! Ya mo’onyan’ ni ir e to’ogor romed e yugu be yan ni bod ba layon ni be tolul, ni be gay be’ ni nge longuy.