Acts 3:16 - Bible Ni Thothup

¹⁶ Gelngin i fithingan e ke pi’ gelngin e re mo’on ney nib mugutgut. N’en ni kam guyed ma kam nanged e keyag u daken e pagan’ nga fithingan; pagan’ ngak Jesus e ir e ke golnag e cha’ney ni aray rogon u p’eowchemed ni gimed gubin.

Acts 3:16 Iomraidhean Croise

Matthew 14:29

Me fulweg Jesus ni ga’ar, “Moy!” Ma aram me chuw Peter u bowoch nge yan ngak Jesus u daken e ran.

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

John 14:12

Nggog e tin riyul’ ngomed: en nra gu mich u wan’ e ra rin’ e pin’en ni gu be rin’ ri ireray rogon, ka ba ga’ e tin nra rin’ ni bochan e bay gu wan ngak e en ni Chitamangiy.

John 7:23

Fa’an yira maad’ad ngak bochi tir nib pagel ko chirofen ni Sabbath ni bochan e nge dab nth’ab e Motochiyel rok Moses, me ere mang ni kam damumuwgad ngog ni bochan e kug chuweg e liliy rok be’ nib mo’on ko chirofen ni Sabbath?

Acts 14:9

Me motoyil ko thin ni be weliy Paul. Me guy Paul nike mich Jesus u wan’ nrayag ni ngan golnag ko m’ar rok, ma aram me changar Paul ngak

Acts 16:18

Bo’or e rran ni i yodorom. Ma daki yag ni nge k’adan’ Paul, me cheal nga wuryal me ga’ar ngak fare mo’onyan’ nike ying ngak fare pin, “Gu be non ngom u fithingan Jesus Kristus ni ngam chuw rok e cha’nir!” Ma ka ngiyal’nem me chuw fare mo’onyan’ rok fare pin.

Acts 3:6

Me ga’ar Peter ngak, “I gag e dariy e salpiy rog, machane bay gu pi’ ngom e n’en ni bay rog: gu be yog ngom u fithingan Jesus Kristus nu Nazareth ni ngam sak’iy ngamman!”

Acts 3:8

me og ngalang nge sak’iy mi i yanyan; me un ngorow ngranod ngalan e Tempel ni be yan ma be og ngalang ma be pining e magaer ngak Got.

Acts 4:10

me ere susun e gimed gubin ni go’ ngam nanged, nge urngin e girdi’ nu Israel nsusun e ngar nanged, nre mo’on ni ba’aray nib sak’iy u roy u p’eowchemed e kari gol ni gelngin fithingan Jesus Kristus nu Nazareth e ir e ke golnag — ni ir fa’anem ni mu kuruth niged nge mu’ me faseg Got ko yam’.

Acts 4:30

Mu k’iyag pa’am ngam golnag e girdi’ ma gguy rogon nge yag nni ngongliy e pin’en ni yira ngat ngay nge pi maang’ang u daken fithingan Jesus ni ir e tapigpig rom nib thothup.”

Acts 4:7

Miyad sak’iynag fa gali apostel nga p’eowcherad ngar fithed yow ni lungurad, “U rogon ni mu gol nigew e cha’ney? Be mang e re gelngin ni bay romew, ara fithingan mini’ e mmaruwelgow ngay?”

Roma 3:22

Got e ma mat’awnag e girdi’ ngak u daken e michan’ rorad ngak Jesus Kristus. I Got e ma rin’ e ren’ey ngak urngin e girdi’ nike mich Kristus u wun’rad, ni ta’reb rogon piyu Israel nge pi’in gathi yad piyu Israel:

1 Korinth 13:2

Ra ke pi’ Got gelngig ni gub salap i machibnag e thin rok ngak e girdi’, ma urngin ban’en ni gu manang fan, ma gu manang fan urngin e tin nde nang e girdi’, ma gelngin nib michan’ug ngak Kristus e rayag ni chuweg e burey u tagil’, machane fa’anra de t’uf Got rog nge girdi’, ma dariy rogog.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.