Acts 28:6 - Bible Ni Thothup

⁶ Miyad par ni yad be sonnag ni nge thow ara thig nga but’ ni kem’. Machane ba n’uw nap’an nra pired ma dar guyed ban’en ni rin’, miyad piliyeg lanin’rad nge lungurad, “Cha’nem e ba kan!”

Acts 28:6 Iomraidhean Croise

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Matthew 27:22

Me fithrad Pilate ni ga’ar, “Ere mang e nggu rin’ ngak Jesus ni kan pining Kristus ngak?” Miyad fulweg ni yad gubin ni lungurad, “Mu richibiy ko kuruth!”

Acts 12:22

Miyad tolulnag ni be lungurad, “Cha’ney ni be welthin e gathi ba girdi’, ya ba got!”

Acts 28:7

Ma bay yungi milay’ ni fen Publius, ni ir e pilung ko re donguch nem, nde mal’af nga orel ko gin’em. Me fekmad nga tafen nggu pired rok ni dalip e rran, ma ri be ayuwegmad nrib fel’ rogon.

Acts 8:10

ma gubin e girdi’ u lan fare binaw, nib thilthil tolngirad e ra uthmed telrad ko tin i yog. Me lungurad, “I ir fare n’en ni gelngin Got nike lunguy ‘Fare Gelngin nib Th’abi Gel.’ ”