Acts 28:4 - Bible Ni Thothup

⁴ Me guy e girdi’ ko fare donguch e re porchoyog nem nike yabochboch nga pa’ Paul miyad yog rorad ni lungurad, “Re mo’on nem e dabisiy ni ir be’ nike thang e pogofan, yugu aray rogon nike thap nga arow nde yim’ u maday, machane taban e kireb nma pi’ e kan e dabkiyag ni nge thay riy, ya ke muturug ni nge yim’.”

Acts 28:4 Iomraidhean Croise

Genesis 3:1

Ma porchoyog e ir e th’abi llowan’ ko sabanban u fithik’ e gamanman ni SOMOL ni Got e ke sunumeg. Me fith fare porchoyog ngak fare pin ni ga’ar, “Rriyul’ ni yog Got ngomew ni dab mu koyew wom’ngin urngin e gek’iy ni bay ko gi woldug ney?”

Proverbs 28:17

Be’ nib buch e rok ko mathang pogofan e be ker e low rok nike musmus payngin. Dab mu guy rogon ni ngam taleg.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 43:20

Mus ko gamanman ni malboch ni bayi tay fag; gamanman ni jackal nge arche’ ni ostrich e bay ra pininged e sorok ngog ko ngiyal’ ni bay gu gagiyegnag e lul’ nge yan u lan e ted ni desert, ya nggu pi’ e ran ngak e girdi’ rog ni gag e gu mel’egrad.

Zefaniah 2:15

Irera’ e n’en ni bayi buch ko fare binaw nrib tolngan’ ma rib taf nga gelngin nib gel, ma be leamnag ni dakriy ban’en nra buch rok. Girdi’ riy e yad be leamnag nre binaw rorad nem e ir e th’abi cheag u fayleng. Ere ayugumguyew ko gin bayi yan i aw ngay, ni bayi par ndakuriy be’ riy me mang tagil’ e toffan ko gamanman. Gubin e girdi’ nra yib u charen me m’ing ban’en u yinrad ko morus.

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Matthew 27:25

Me fulweg fapi girdi’ ni aram urngirad ni lungurad, “Gechig ni bay yib ni bochan e yam’ ni nge tay e bay yib nga dakenmad nge nga daken pifakmad!”

Luke 13:2

Me fulweg Jesus ngorad ni ga’ar, “Bochan e nthang e fan rok e pi girdi’ nem nu Galile ni aram rogon me ere gimed be finey ni ir e ke micheg ni kab gel farad tadenen ngak urngin e tin ni kabay e girdi’ nu Galile fa?

Luke 13:4

Ma bu uw rogon fa ragag nge meruk i girdi’ nu Siloam nra m’ad ni fa’ani m’ing fare wulyang ntafen e damit nga dakenrad? Gimed be finey ma ren’ey e ke micheg ni kab gel farad kireb ngak urngin e tin ni kabay e girdi’ ni yad be par u Jerusalem?

John 7:24

Ere mu talgad i turguy e tin nib mat’aw nge tin nde mat’aw u rogon e tin ni gimed be guy nga owchemed, ya ngam turguyed e tin nib mat’aw nge tin nde mat’aw u yalen e tin riyul’.”

Acts 28:2

Me ayuwegmad e girdi’ riy. Ma aram me aw e n’uw me ri garbeb, miyad ko’reg ba nifiy miyad yog ngomad ni nggu chugurgad nga charen.

Acts 28:3

Me kunuy Paul ba thum i l’ud, ma nap’an ni be tay nga mit e nifiy me yib ba porchoyog nga tamilang, ni bochan gowelngin e nifiy, me yib i yabochboch nga pa’.

Acts 28:5

Machane me dengdang Paul fare porchoyog nga mit e nifiy nde buch ban’en rok Paul.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”