Acts 27:41 - Bible Ni Thothup

⁴¹ Machane me yan i ser fare barkow ngabangi yan’ nib thay nga orel u dap’e l’ay; me yan e ley ni owchen nga fithik’ ndabkiyag ni nge mithmith, me bilig e n’ew e ley ni p’ebuk’.

Acts 27:41 Iomraidhean Croise

1 Kings 22:48

Me Jehoshafat ni Pilung e toy bogi barkow ni ngi i yan ko fare nam nu Ofir ni fan ko gol; machane pil e pi barkow nem u Eziongeber ni dan taregnag bayay.

2 Kronicles 20:37

Machane Eliezer nib mo’on ni fak Dodavahu ni be’ ko fachi binaw nu Mareshah e yog ngak Jehoshafat ni ga’ar, “Bochan e ka mu ngongliy ba tha’ u thilmew Ahaziah kamangew nga barba’, ma aram e bayi kirebnag SOMOL e pi barkow ni kam mu’ gow i toy.” Ma fapi barkow e go’ pil ni de yag nni taragnag.

Ezekiel 27:26

Nap’an nra fekem e pi’in yad ma mamaniyem nga feth, me cham e nifeng ko ngek nge bilig e barkow rom u rom nib palog ko binaw.

Ezekiel 27:34

Ma chiney e ga bay u lan e day ni kam pil; Kam ligil nga t’ay e regur. Chugum rom nge urngin e pi’in ni ur maruwelgad rom e kar uned ngom ko malog u maday.’

Acts 27:17

Miyad fek fare bowoch nga daken e barkow, nge mu’ miyad yin’ boch e tal u baraba’ e barkow ngan fek u t’ay e barkow nge yan nga baraba’, nge mu’ min longobiy nga downgin e barkow nga ni m’ag ni kan chichiiy. Ma kar rusgad nrichey me ser e barkow rorad ko yan’ nib thay nga orel u dap’e l’ay u Libya; ma aram miyad pilig e lay nga but’ miyad pag fare barkow ngi i fek e nifeng i yan.

Acts 27:30

Me guy rogon e sala nu barkow ni ngar milgad u barkow; miyad nguchuruy fare bowoch nga daken e day, ni yad be dake ngranod ron’ed boch e angkar u mit e barkow nga maday.

Acts 27:40

Miyad th’ab gafan fapi angkar ngar paged u fithik’ e day, miyad pithig e pi tal ni ba’aram ni kan m’ag ko yap — ko barkow. Miyad girengiy e lay ngalang u mit e barkow ni fan e nge yannag e nifeng e barkow ngam’on, me sor i yan nga dap’e l’ay.

Acts 27:42

Me leamnag fapi salthaw ni ngar li’ed urngin fapi kalbus, nge dabi nong bagayad nga arow nge mil.

1 Korinth 15:58

Ere pi walageg ni girdi’en Kristus, um pired ni gimed bmuduwgil. Gubin ngiyal’ ma ngu’um muruwliyed e maruwel romed ni fan ngak Somol, ya gimed manang ni pigpig ni gimed be tay ngak Somol e gathi ra yan i aw nib m’ayfan.