Acts 26:18 - Bible Ni Thothup

¹⁸ Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Acts 26:18 Iomraidhean Croise

Psalms 119:18

Mu bing owcheg, ya nge yag ni gguy falngin e tin ba rriyul’ u lan e motochiyel rom.

Psalms 146:8

mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Isaiah 32:3

Owcherad nge telrad e bayi m’uth ko tin bt’uf ni nge yag ngak e girdi’.

Isaiah 35:5

Pi ma’ew e bay ra guyed ban’en ma pi biling e bay rrung’aged ban’en.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 42:7

Bay mu bing lan mit e pi malmit, ma ga chuweg u kalbus e pi’in yad be par riy u fithik’ e lumor.

Isaiah 43:8

Be ga’ar Got, “Mpininged e girdi’ rog nga tafen e puf oloboch. Bay lan owcherad, machane yad ba ma’ew; bay telrad, machane yad bbaling!

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Isaiah 9:2

Girdi’en fare nam ni uranod u fithik’ e lumor e ka ra guyed ba tamilang ni ba ga’ ram’en! Ur pired u lan ba nam u fithik’ e rumug ni yam’, machane chiney e ke gal e tamilang nga dakenrad.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Matthew 4:16

Girdi’ ni yad be par u fithik’ e lumor bay ra guyed ba tamilang ni ba ga’! Nga daken e pi’in be par u fithik’ e lumor ko nam ni yam’, e ke puf e woch u ba tamilang nib ga!”

Luke 1:77

ngamog ngak e girdi’ rok ni bayi thapegrad Got ngak, ni bochan e bayi n’ag fan e denen rorad.

Luke 1:79

ni bayi gal ram’en u tharmiy nga daken urngin e pi’in yad be par ko tagalul’ nib lumor ni lumoren e yam’, me pow’iy rifrifen aydad iyan nga daken wo’en e gapas.”

Luke 2:32

ni ir e tamilang ni nge dag e kanawo’ rom ngak e pi’in gathi yad piyu Israel, me gilnag buguwan e girdi’ rom ni piyu Israel.”

Luke 24:45

Ma aram me tamilangnag an’rad ngar nanged fan e pin’em ni bay u lan e babyor nib thothup,

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

John 17:17

Mu fil ngorad e tin nib riyul’, ni er e thin rom ngam pingegrad ngay ngar pired ni girdi’em.

John 3:19

Ba’aray rogon nma yib e gechig: fare tamilang e yib ngak e girdi’ nu fayleng, machane girdi’ e kab t’uf e lumor rorad ko fare tamilang, ya ka yad be rin’ e tin nib kireb.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 8:12

Me non Jesus bayay ngak e girdi’ ni ga’ar, “I gag e tamilang ko girdi’ nu fayleng. En nra i lekeg e ke yag e tamilang ko yafos ngak ma dabki yan u fithik’ e lumor bi’id.”

John 9:39

Me ga’ar Jesus, “Ku gub ngaray nga fayleng ni nggu ki’eg e girdi’ ni fan e pi’in yad bmalmit e ngar guyed ban’en, ma pi’in yad be guy ban’en e ngar malmitgad.”

John 9:5

Ngiyal’ ni gu bay u roy u fayleng e gag e tamilang ngak e girdi’ nu fayleng.”

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

Acts 13:47

Ya ba’aray e thin ni pi’ Somol ngodad ni fa’ani ga’ar: ‘Kug tiyem ni ngam mang tamilang ngak e pi’in gathi yad piyu Israel, me gur e ngam mang kanawo’ ni ngan thap riy ngak Got ni fan ngak urngin e girdi’ nu fayleng.’ ”

Acts 15:9

De taydad ni gadad ba thil rorad; ya n’ag fan e denen rorad ni fan e mich Jesus u wun’rad.

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 20:32

“Ma chiney e nggu pag famed ngak Got nge thin rok ni murung’agen feni t’uf e girdi’ rok. Ya rayag rok ni nge yal’uweg pangimed i yan ma be gel nagmed me pi’ ngomed e f’oth romed ko tin be cha’riy ni fan ngak urngin e girdi’ rok.

Acts 26:19

“Agrippa ni Pilung, gathi da gu fol ko tin ni gguy ni yib u tharmiy.

Acts 26:23

fare Messiah e thangri gafgow me ir e cha’ ni som’on ni nge fos ko yam’, me tamilangnag piyu Israel nge pi’in gathi yad piyu Israel u rogon me thap e girdi’ ngak Got.”

Acts 3:19

Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

Roma 8:17

Ere fa’anra kad manged pifak, mrayag ngodad e fla’ab nike tay ni fan ko girdi’ rok, ma kagdad ra un ngak Kristus ngad fanayed e tin ke tay Got ni fen; ya fa’anra gadad be un ko gafgow ni tay Kristus, ma ka gadad ra un ko fla’ab rok.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

1 Korinth 1:30

Machane Got e ke fekmed ke ta’ab girdi’nagmed Kristus Jesus, ma ke tay Got Kristus ni ir e kemang e birodad e gonop; nu daken Kristus e ke mat’aw nagdad Got riy ngak, kad manged e tirok’ Got e girdi’ nib thothup, ma ke pithigdad u gelngin mo’onyan’.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

2 Korinth 6:14

Dab mu guyed rogon ni ngam pachgad ngak e pi’in nde mich Got u wun’rad ngu’um maruwelgad u ta’bang nib ta’reb lanin’med, ya dabiyag. Ra di’in me ta’reban’ e tin nib mat’aw nge tin nib kireb? Ra di’in me par e tamilang nge talumor u ta’bang?

Galatia 2:20

ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

Galatia 3:14

I rin’ Kristus ni aram rogon ni fan e fare tow’ath ni ognag Got ngak Abraham e nge yag ni ngan pi’ ngak e pi’in gathi yad piyu Israel, ni ngan pi’ ngorad u daken Kristus Jesus, ma aram e daken e michan’ rodad ngak e ra ni pi’ fare Kan ni Thothup riy ngodad ni ognag Got nra pi’.

Galatia 3:2

Ere mpi’ed e fulweg ngog ko ta’are bugithin ni ba’aray: i yag fare Kan Nthothup rok Got ngomed ni fan e um rin’ed e tin ni be yog e Motochiyel ngomed, fa bochan e mu rung’aged e Thin Ni Bfel’ ni yib rok Got me mich u wun’med?

Efesus 1:11

Ya urngin ban’en ma kan rin’ nrogon ni kem’ay i leamnag rok Got ke tay nge rogon ni turguy; mi Got e ir e turguy ni ngad manged girdi’en ko ta’ab girdi’ ni ngad ted Kristus ni fan ko tin ke leamnag, ni tin be finey ni kem’ay i duwgiliy rok aram ko tabolngin.

Efesus 1:14

Re Kan Nthothup nem e aram e pow riy nike muduwgil nrayag ngodad e tin ke yog Got nra pi’ ngak e tirok’ e girdi’, ma ku be micheg ngodad nra gilafnag Got ko denen e pi’in kar manged girdi’en, ni fan e nganog e sorok ngak ngrogon feni sorok!

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Efesus 1:7

Racha’en Kristus ni map’ u kuruth e ir e pithigdad ko denen, me ir e n’ag Got fan e denen rodad riy. Ri ba ga’ e runguy rok Got ngodad,

Efesus 2:8

Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

Efesus 4:18

ma be par lanin’rad u fithik’ e lumor. Dawori yag ngorad e bin nma pi’ Got e wok, ni fan e dar nanged ma yad ba gelan’.

Efesus 5:11

Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. (

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Efesus 5:8

Ya gimed ma um moyed u fithik’ e lumor, machane nap’an ni mmanged girdi’en Somol ma gimed be par u fithik’ e tamilang. Ere thingar um ngongolgad ni bod rogon e girdi’ nib mil suwrad ko tamilang,

Efesus 6:12

Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.

2 Timothy 2:26

Me sulan’rad ngorad ngar milgad nga orel ko wup rok mo’onyan’, ni ir e ke kolrad ke tayrad, yad be fol ko tin ni ba’adag.

Hebrews 10:10

Bochan e rin’ Kristus e tin ni ba’adag Got ni nge rin’, ma aram fan ni gadad gubin ni kan chuweg e denen rodad kad be’echgad ni bochan fare maligach ni pi’ ni aram downgin, nri ta’ab yay ma aram e kemus.

Hebrews 10:14

Ere ta’reb e maligach nike pi’ ma ke yal’uweg ndariy n’umngin nap’an e pi’in kan chuweg e denen rorad kar be’echgad.

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

Hebrews 9:15

Ireray fan ni Kristus e ir e ngongliy rogon e bin nib be’ech e m’ag, ni fan e pi’in ke piningrad Got e nge yag e fla’ab ndariy n’umngin nap’an ngorad nike yog Got nra pi’ ngorad. Ren’em e rayag ni fan e yam’ nike tay e ir e ke biyuliy e girdi’ ko pi kireb ni kar ngongliyed ko ngiyal’ ni ba’aram ni yad be par u tan e bin som’on e m’ag.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

1 John 1:9

Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

1 John 2:12

Gu be yol ngomed, pifakag, ni bochan e ke n’ag Got fan e denen romed u wan’ ni bochan fithingan Kristus.

1 John 3:8

Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.

1 John 5:19

Gadad manang nib mil fadad ngak Got, ma tin ni kabay e girdi’ nu fayleng e ke suweyrad Fa’anem nib Kireb.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.