Acts 25:4 - Bible Ni Thothup

⁴ Me fulweg Festus ni ga’ar, “I Paul e kan tay u Cesarea nib kalbus, ma dabi n’uw nap’an mu gu sul ngaram.

Acts 25:4 Iomraidhean Croise

Acts 24:23

Me yog ngak e cha’ ni ba’aram ni reb e tolang ko salthaw, ni ir e ke milfan Paul ngak ni ngu’un matanagiy Paul, machane ngu’un pag e pi tafager rok ngu’urbad ra pi’ed ngak e tin nge yag ngak.

Acts 24:27

Ma nap’an ni chuw l’agruw e duw, me yib Porkius Festus nga luwan Felix nge mang governor. Ma ba’adag Felix ni nge adag piyu Israel daken, ma aram me tay Paul ngi i par u kalbus.

Acts 25:1

Dalip e rran nap’an nike taw Festus ko gi nug nem me yan u Cesarea nga Jerusalem.

Acts 25:13

Me yan i ba ngiyal’ me yib Agrippa ni Pilung nge Bernice nga Cesarea ni ngar guyew Festus.

Acts 25:16

Machane kugog ngorad ni piyu Roma e darir pi’ed be’ ngan li’ u m’on riy ndawor ra sabolgad e pi’in yad e kar egniged, ma kan pi’ mat’wun ni nge ayuweg ir ni aram e nge togopluw ko tin ni kanog nib togopluw ngak.

Acts 25:5

Ere mpaged e pi’in yad ma yog e thin romed ngar uned ngog nga Cesarea nge mang yad e ra weliyed e tin nib kireb nike rin’, ni fa’anra ke rin’ ban’en nib kireb.”

Acts 25:6

Me par Festus rorad ni meruk ara ragag e rran, me sul nga Cesarea. Me reb e rran riy me yan i par nga tagil’ u tafen e puf oloboch me yog ni ngan fek Paul i yib.

Acts 8:40

Me pir’eg Filip rok nike taw ngalan binaw u Ashdod; ma aram me yan u lan urngin e pi binaw ni bay u rom nge mada’ nga Cesarea ni be machibnag ngak e girdi’ fare Thin Ni Bfel’.