Acts 24:5 - Bible Ni Thothup

⁵ Kug pir’eged e re mo’on ney ni be magawonnag e girdi’; ke k’aring e wagey u fithik’ piyu Israel i yan u gubin yang u fayleng, me ir e be yog e thin ko fare raba’ i girdi’ ni Nazarene.

Acts 24:5 Iomraidhean Croise

Ester 3:8

Aram me yog Haman ngak fare pilung ni ga’ar, “Bay bmit i girdi’ ni yad ba wear u daken gil’ilungum ni ga’ngin ni yira piri’egrad u lan urngin yang e pi nug ni ga ma gagiyegnag. Pi yalen rorad e yug ba thil nga yalen gubin e girdi’. Ma ku reb e darir ma folgad ko pi motochiyel u lan gil’ilungum, ere de fel’ ni ngam fek owchem rorad.

Jeremiah 37:13

Ma fa’an gu taw ko fare garog ni Benjamin fithingan, ma bay ba pilungen e salthaw u rom nib mil fan ngak e salthaw ni be maruwel u rom, ni be’ nib mo’on ni Irijah fithingan, ni fak Shelemiah, ni Hananiah e tutuw rok, me talegeg me ga’ar ngog, “Kam finey ni ngam mil ngam man ngak e girdi’ nu Babylon!”

Jeremiah 38:4

Me ga’ar e pi tolang ni yad bay u tan pa’ e en ni pilung ngak fare pilung, “Re mo’on ney e thingar nli’ ngem’. Ya ra i non ni aray rogon ma aram e be waernag e leam ko salthaw nu lan e re binaw ney, ma ku aray e n’en be rin’ ngak urngin e girdi’ nike magey u lan binaw. Re mo’on ney e gathi be guy rogon ni nge ayuweg e girdi’; kemus ni ba’adag ni nge gafgow nagrad.”

Amos 7:10

I Amaziah ni ir e prist nu Bethel e yan i ga’ar ngak Jeroboam ni ir e pilung nu Israel, “Fa’anem i Amos e be makath nigem ngak e girdi’ nu Israel. Welthin ni be tay e nge kirebnag e re nam ney.

Matthew 10:25

Ere en ni yibe sukulnag e susun e nge fel’ u wan’ ni nge bod e en ni ir e be fil ban’en ngak, ma en nsib e nge fel’ u wan’ ni nge bod e en ni ir e masta rok. Fa’anra kan pining Beelzebul ngak e en ni ir e lolugen e tabinaw, ma urngin e girdi’ ko fare tabinaw ni bay ni pining boch e ngachal ngorad ni kab kireb ko biney!

Matthew 2:23

me yan i toy e naun rok ngalan bbinaw nike lunguy yu Nazareth. Me rin’ ni aram rogon ni fan e nge yib i m’ug nib riyul’ e n’en ni yog e pi profet ni lungurad, “Bay nog ni be’ u Nazareth.”

Mark 1:24

“I gur Jesus nu Nazareth, mang e ngam rin’ ngomad? Kamub ngaray ni ngam thang owchemad? Gu manang ko gur mini’ — i gur e mol’og rok Got ni gab thothup!”

Luke 23:19

Me Barabbas e nin’ nga kalbus ni bochan ba wagey ntay u lan binaw, ma ku bochan e pogofan ni thang.)

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Luke 23:25

Me pag fare mo’on ni ba’adag fapi girdi’ ni ngan pag, ni fa’anem nnin’ nga kalbus ni bochan fare wagey nge pogofan ni thang, me pi’ Jesus ngorad ngar rin’ed ngak e n’en ni yad be finey.

Luke 23:5

Machane miyad towasor ngak nike gel merin ni be lungurad, “Machib rok e be k’aring e wagey u fithik’ e girdi’. I tabab u lan yu Galile, me yan u lan yu Judea ni polo’, ma ke taw ngaray e chiney.”

Acts 15:5

Ma boch e Farise ni kar piggad ke mich Jesus u wun’rad e ra sak’iygad nge lungurad, nganog ngak e pi cha’nem ndabisiy ni ngan maad’ad ni bod ni yog e motochiyel rok Moses ma nganog ngorad ni ngar folgad ko Motochiyel rok Moses.

Acts 21:28

Miyad tolul ni lungurad, “Gimed piyu Israel, mu ayuweged gamad! Ireray fare mo’on ni be machibnag urngin e girdi’ i yan ni be machib nib togopluw ngak e girdi’ nu Israel, nge fare Motochiyel rok Moses, nge re Tempel ney. Ma chiney e mus ngak boch e girdi’ ni gathi yad piyu Israel nike fekrad i yib ngalan e Tempel ke alitnag e re gin’ey nib thothup!” (

Acts 22:22

Me motoyil e girdi’ ngak Paul nge yan i mada’ ko ngiyal’ ni yog e re bugithin ney; ma aram miyad tabab ko tolul ni kemus mam’ungun i lamrad ni be lungurad, “Mu thanged e fan rok, mu li’ed ngem’! Ya dariy rogon ni nge par!”

Acts 24:14

Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

Acts 24:4

Ma dabug ni nggu fek e tayim rom ni bo’or, machane gu be wenig ngom ni nga yugum motoyil ko tin nggogned nib ngoch.

Acts 25:7

Ma fa’ani taw Paul, me cholngobiy fa picha’ nu Israel nrabad u Jerusalem miyad tabab i weliy bo’or bogi ban’en nib kireb nib togopluw ngak Paul, ni yu bugithin ndabiyag rorad ni ngar daged e mich riy.

Acts 26:5

Gubin ngiyal’ ma yad manang, ni fa’anra yad ba’adag ni ngar weliyed ni aram rogon, ni som’on i yib ke mada’ ko chiney e ug par ni gag reb i girdi’en fare raba’ i girdi’ ko ba’ romad e taliw, ni aram e Farise fithingrad, ni yad be par ni yad be fol u urngin e motochiyel.

Acts 28:22

Machane gamad ba’adag ni nggu rung’aged rom e tin ni ir e ga be leamnag, ya gamad manang ni urngin yang ma be non e girdi’ riy nib togopluw ko re raba’ i girdi’ nem ni gab mu’un ngay.”

Acts 5:17

Ma aram me ri awan’ fare Prist ni Th’abi Ga’ nge urngin e pi’in yad nga baraba’ ni girdi’en e ulung ko Sadduse u rom ngak e pi apostel; ma aram miyad turguy ni ngar rin’ed ban’en ngorad.

Acts 6:13

Miyad fek boch e pumo’on i yib ni ngar tunguyed e thin nga daken Stefen. Me ga’ar fa picha’, “Re mo’on ney e gubin ngiyal’ ni be welthin nib togopluw ko Tempel rodad nib thothup nge fare Motochiyel rok Moses.

1 Korinth 11:19

(Bmuduwgil nthingar mu yuraba’gad u fithik’med, nge yag ni gagiyel e pi’in nib mat’aw.)

1 Korinth 4:13

ma yira yog e thin nib kireb ngomad ma gamad fulweg u fithik’ e thin nib munguy. Gamad e ta’reb rogomad ko chabung nu fayleng; gamad e fiyath u roy u fayleng ke mada’ ko re awa ney!

1 Peter 2:19

Ra fal’eg Got wa’athmed ni bochan e ren’ey, ni fa’anra mu k’adedan’med ko amith ko gafgow nde mat’aw ni be tay e masta romed ngomed ni bochan e bay u wun’med e tin nib m’agan’ Got ngay.