Acts 23:11 - Bible Ni Thothup

¹¹ Me reb e neap’ riy me sak’iy Somol nga to’oben Paul me ga’ar, “Dab mu rus! Kam weliy murung’ageg u roy u Jerusalem, ma thingar kum rin’ u Roma ni aray rogon.”

Acts 23:11 Iomraidhean Croise

Psalms 109:31

ni bochan e Ir e ma n’ufeg e pi’in ke gafgow mma ayuweg e pogofan rorad u pa’ e pi’in kar turguyed e gechig rorad ni yam’.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Isaiah 46:10

Gog ko tabolngin e tin bay ko tungun; kab kakrom mu gog e tin bayib. Mu gog ni tin kem’ay i leamnag rog e dabiyag ni nge thil; ya gu ra rin’ urngin e tin kem’ay i leamnag rog.

Matthew 14:27

Ma ka chingiyal’ nem me non Jesus ngorad ni ga’ar, “Nge pagan’med, ya gag. Dab kum tamdaggad!”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Luke 16:28

ko gin ni bay lal e pumo’on ni walageg riy; mpag nge yan nge yog e thin ngorad, nge siy rabad ko gin’ey nga fithik’ e amith.’

John 14:18

“Dab gu pagmed ngam pired ni go’ gimed; ya bay kug sul ngomed.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Acts 18:9

Me reb e neap’ mi ni piliyeg e changar rok Paul me ga’ar Somol ngak, “Dab mu tamdag, ma dab mu tal ko machib ma dab mu pag,

Acts 19:21

Ma tomuren nike m’ug e tiney, me turguy Paul u wan’ ni nge yan u lan yu Macedonia nge yu Greece me yan u rom nga Jerusalem. Me ga’ar, “Ra gu taw ngaram ma ku errogon ni thingar ku gguy yu Roma.”

Acts 2:25

Ya David e weliy murung’agen Jesus ni ga’ar: Ug guy Somol ni bay u p’eowcheg ni gubin ngiyal’, ya bay u ba’ ni mat’aw rog, ere dab gu rus.

Acts 20:22

Ma chiney e gu be yan nga Jerusalem, ni Kan Nthothup e kug fol rok, nda gu nang e n’en ni bay nrin’ ngog u rom.

Acts 22:15

Ya gur e ngam mang mich rok ngamog ngak urngin e girdi’ e tin kam guy nge tin kam rung’ag.

Acts 22:18

mu gguy Somol ni be ga’ar ngog, ‘Mu gur nigem ngam chuw u Jerusalem ni papey, ya girdi’ u roy e dabi riyul’ u wun’rad e tin ni murung’ageg ni ga ra weliy ngorad.’

1 Korinth 9:1

Gathi gag be’ nib mil fag ngog? Ma gathi gag reb e apostel? Ma gathi kug guy Jesus ni Somol rodad? Ma gathi gimed wenegan e maruwel rog ni fan ngak Somol?

Filippi 1:13

Me ere chiney e urngin e matanag u tafen e en ni pilung nge urngin e girdi’ ni yad bay u roy ni kar nanged ni kanon’eg nga kalbus ni bochan e gag reb e tapigpig rok Kristus.

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.