Acts 21:5 - Bible Ni Thothup

⁵ Ma fa’ani taw nga nap’an ni nggu paged yad, ma gamad yan. Ma yad gubin, ni cheag e ppin rorad nge pifakrad ngorad ngar uned ngomad i yib nga wuru’ e re binaw nem. Ma gamad ragbug nga but’ u daken e yan’ u dap’el’ay ni gamad gubin nggu meybilgad.

Acts 21:5 Iomraidhean Croise

1 Kings 8:54

Fa’ani mu’ Solomon ko meybil ngak SOMOL, me sak’iy u m’on ko altar ni aram e gin ni ragbug riy nga but’ nge par nike pug pa’ ngalang nruw raba’.

2 Kronicles 20:13

Gubin e pumo’on nu Judah, nge pi le’engirad nge pifakrad, ni yad be sak’iy u rom ko fare Tempel.

Nehemiah 12:43

Rofen nem e bo’or e maligach nni pi’, ma kesugnag e felfelan’ e girdi’ ni Got e kepi’ ngorad kar felfelan’gad. Me un e pi’in ppin nge bitir ko fare madnom, ma lamrad ni yad gubin e yira rung’ag nga palog.

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Matthew 14:21

Ma urngin e girdi’ ni kay e re ggan nem e gonap’an e lal e biyu’ nda ni uneg e ppin nge bitir ngay.

Mark 1:40

Me yib be’ nib daraw ngak Jesus ni be wenig ngak nike ragbug u p’eowchen ni be ga’ar ngak, “Fa’anra bm’agan’um ngay, mrayag rom ni ngam be’ech nigeg.”

Luke 22:41

Ma aram me yan rorad nga orel ni bod pal’afngin ba malang nnin’, me yan i ragbug nga but’ nge meybil.

Acts 15:3

Miyad yan ni girdi’en e galesiya e ke l’oegrad, ma nap’an nranod u lan yu Fonicia nge yu Samaria miyad weliy ngak girdi’en e galesiya ko gali yang i nug nem rogon nike thap e pi’in gathi yad piyu Israel ngak Got; ma re bugithin ney e ba ga’ ba felfelan’ ni pi’ ngak urngin e tin ni ba’aram i girdi’en Kristus ni kar rung’aged.

Acts 17:10

Ma nap’an ni yigi neap’, ma pi walag ni aram girdi’en Kristus e ra l’oeged Paul nge Silas ngranow nga Berea. Ma fa’anra tawgow, miyow yan ngalan tafen e mu’ulung rok piyu Israel.

Acts 20:36

Ma fa’ani mu’ Paul ko welthin, me un ngorad ngar ragbuggad ni yad gubin me meybil.

Acts 20:38

Ya kari kireban’rad ko pi thin ni ba’aram nike yog ndab ku ra mada’gad bayay. Ma aram miyad un ngak ngranod ra ted nga barkow.

Acts 9:40

Me yog Peter ngorad ni ngranod nga waen ni yad gubin, me ragbug nga but’ nge meybil; me cheal nge sap ko fare yam’ me ga’ar, “Tabitha, mu suwon!” Me pithig owchen, ma fa’ani guy Tabitha Peter me suwon.

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Joshua 8:35

Gubin yang ko fare motochiyel rok Moses me be’eg Joshua ngak gubin fapi girdi’ nu Israel ni kar mu’ulunggad, nib mu’un e ppin nge bitir nge girdi’ ni be par u fithik’rad ni girdi’ u bang ngay.