Acts 21:39 - Bible Ni Thothup

³⁹ Me fulweg Paul ni ga’ar, “I gag be’ u Israel, nni gargel nigeg u Tarsus u lan yu Cilicia, ni gag girdi’en reb e binaw ni ba ga’ fan. Wenig ngom, mpageg nggu welthin ngak e pi girdi’ nem.”

Acts 21:39 Iomraidhean Croise

Acts 15:23

Miyad pi’ e babyor ngorad ngar feked ni ba’aray e thin riy. “Gamad e pi apostel nge pi’in pi’ilal, ni er walagmed, e be lungumad e nge felan’ Got ngak urngin pi walagmad ni pi’in nni gargelegrad ma gathi yad piyu Israel, ni yad be par u lan yu Antiok ngu Syria, ngu Cilicia.

Acts 15:41

Miyow yan u lan yu Syria ngu Cilicia, ni be pi’ Paul e athamgil nga laniyan’ girdi’en e pi galesiya ni bay riy.

Acts 16:37

Me ga’ar Paul ngak fapi pilungen e polis, “Kar toyed gamow u fithik’ e girdi’ ni yo’or, nda ni pufthin nagmow ma gamow girdi’en yu Roma! Ma ka ron’ed gamow nga kalbus. Ere ngar paged gamow e chiney nib mith? Danga’! Pi tolang rok yu Roma e thingar rabad ngaray ngar paged gamow.”

Acts 21:37

Ma nap’an ni yad be n’en ni ngar feked Paul i yan nga tafen e salthaw, me yog ngak fare pilungen e salthaw nu Roma ni ga’ar, “Rayag ni gu weliy bbugithin ngom?” Me fith fare pilungen e salthaw nu Roma ngak ni ga’ar, “Ga manang e thin ni Greek?

Acts 22:3

“Gu be’ u Israel, nni gargel nigeg u Tarsus u lan yu Cilicia, machane min chuguliyeg u roy u Jerusalem, me gag reb e bitir ni sukul nigeg Gamaliel. Rib gel e sukul ntay ngog u murung’agen fare Motochiyel rok e pi chitamangidad, ma ri ug liyor ngak Got ni bod gimed e pi’in gimed bay u roy e daba’.

Acts 23:27

Piyu Israel e ra koled e re mo’on ney ngranod ni ngar li’ed ngem’. Ma kug pir’eg ni ir be’ u Roma, ma aram mu gu un ngak e salthaw rog nggu warod gu feked u pa’rad.

Acts 23:34

Me be’eg fare governor fa gi babyor me fith ngak Paul e re gi nug ni be’ riy. Ma fa’ani pir’eg ni yib u Cilicia,

Acts 6:9

Me togopluw boch e pumo’on ngak ni yad girdi’en fare tafen e mu’ulung rok e pi Pumo’on ni Kar Chuwgad ko Sib (ni aram fithingrad), ni piyu Israel nrabad u Cyrene ngu Alexandria e yad bay riy. Yad nge ku boch piyu Israel nrabad u Cilicia ngu Asia e ra tababgad Stefen ko malu’ag thin.

Acts 9:11

Me ga’ar Somol ngak, “Mu fal’eg rogom ngam man ko fare pa’ i kanawo’ ni Kanawo’ nib Kiy fithingan, ma ga yan ko naun rok Judas ngam fith murung’agen be’ nib mo’on ni yib u Tarsus ni Saul fithingan. Ya be meybil,

Acts 9:30

Ma fa’ani nang e pi’in walagen ni aram girdi’en Jesus, miyad fek Saul nga Cesarea miyad pi’ nge yan nga Tarsus.

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.