Acts 21:29 - Bible Ni Thothup

²⁹ Rogned e re bugithin ney ni bochan e kar guyed Trofimus ni be’ u Efesus ni yow Paul u lan binaw, ma kar fineyed nike fek Paul e cha’nem i yib ngalan e Tempel.)

Acts 21:29 Iomraidhean Croise

Acts 18:19

Miyad taw nga Efesus, me pag Paul Priscilla nge Aquila. Me yan nga tafen e mu’ulung ngar lu’aged piyu Israel e thin.

Acts 18:21

Ya nap’an ni pig ni nge yan me ga’ar ngorad, “Fa’anra mm’agan’ Got ngay ma gu ra sul ngomed.” Ma aram me af nga barkow nge chuw u Efesus.

Acts 19:1

Nap’an ni bay Apollos u Korinth, me milekag Paul u lan e gi nug nem nge yib nga Efesus. Me pir’eg boch i gachalpen Jesus u rom,

Acts 20:4

Mi Sopater nib pagel ni fak Pyrrhus ni be’ u Berea e un ngak Paul ngranow; ma ku er i tay Aristarkus nge Sekundus nrabow u Thessalonika; nge Gayus, ni yib u Derbe; nge Timothy; nge Tykikus nge Trofimus nrabad ko nug nu Asia.

2 Timothy 4:20

I Erastus e ke par u Korinth, mi Trofimus e kug pag u Miletus, ni fan e mm’ar.