Acts 21:26 - Bible Ni Thothup

²⁶ Me un Paul ngak fapi pumo’on me reb e rran riy me un ngorad ko bangbangen e be’ech nigey. Me yan ngalan e Tempel nge yog ngorad ko in e rran me taw ko chirofen ni kem’ay e rran ko be’ech nigey rorad riy, ni ireram e chirofen nra bagayad ma nga ni pi’ e birok’ e maligach ni aram e gamanman.

Acts 21:26 Iomraidhean Croise

Numbers 19:11

Demturug be’ nra math nga ba yam’ e nge par nib ta’ay u lan medlip e rran.

John 11:55

Ma aram e ke chugur e madnom ni Paluk’af rok piyu Israel, me yan e girdi’ ni pire’ u arow i yan nga tolang nga Jerusalem, ni ngan ngongliy rogoy ngan be’ech ni ka yalen ni yima rin’ u m’on ko re madnom nem.

Acts 21:24

Mu un ngorad ngabangbangen e be’ech nigey ma ga pi’ e salpiy ni pa’rad; me yag ni ngar th’abed piyan lolugrad. Ireray rogon me nang urngin e girdi’ nde riyul’ e pin’en ni kanog ngorad ni murung’agem, ma ka ga be fol ko Motochiyel rok Moses.

Acts 24:18

Ere nap’an ni gu be rin’ e ren’ey miyad pir’egeg u lan e Tempel ni aram e kug mu’ i ngongliy bangbengen e be’ech nigey ni yima tay ni bod nike yog e Motochiyel. Ma da immoy e girdi’ ni pire’ rog u rom, ma danir wagey.

1 Korinth 9:20

Nap’an ni gu be maruwel u fithik’ piyu Israel e gu par ni gu bod be’ u Israel ni fan e nggu yag nagrad ngak Kristus; ni yugu aram rogon ndagur par u tan e Motochiyel rok Moses, machane ug par ni bod rogon ni gu bay u tan ko ngiyal’ ni ba’aram ni gu be maruwel u fithik’ e pi’in yad bay u tan e re Motochiyel nem, ni bochan e nggu yag nagrad ngak Kristus.