Acts 21:22 - Bible Ni Thothup

²² Rib muduwgil ni bay rrung’aged ni kam taw. Ere mang e ngan rin’?

Acts 21:22 Iomraidhean Croise

Acts 15:12

Me par girdi’en fare ulung ndaki non be’ nnap’an ni yad be motoyil ngak Barnabas nge Paul, ni aram e yow be weliy urngin e pin’en nni ngat ngay nge pi maang’ang ni ngongliy Got u pa’row u fithik’ e pi’in gathi yad piyu Israel.

Acts 15:22

Ma aram me cheag e pi apostel nge pi’in pi’ilal ko galesiya, nge girdi’en e galesiya ni polo’ miyad turguy ngar mel’eged boch e girdi’ rorad ngar l’oeged yad ngranod nga Antiok ni yad Paul nge Barnabas. Miyad duwgiliy Judas, ni ku yima pining ni Barsabbas, nge Silas ni l’agruw ni’ nma tay urngin girdi’en Kristus farow.

Acts 19:32

Ma aram e be wagagey e girdi’ u lan fare ulung ni polo’, ni boch e girdi’ e yad be tolulnag reb e ban’en, ma boch e girdi’ e yugu reb e ban’en e yad be tolulnag, ya oren i yad e mus nga fan ni kar mu’ulunggad ngaram ma dar nanged.

Acts 21:21

Ka ni weliy ngorad murung’agem ni ga be machibnag ngak urngin piyu Israel ni yad be par ko pi nam rok e pi’in gathi yad piyu Israel ni ngar paged e Motochiyel rok Moses, ma ga be weliy ngorad ndab kun maad’ad ngak pifakrad ni pumo’on ara rfolgad u yalen piyu Israel.

Acts 21:23

Mu rin’ e tin gamad be yog ngom. Bay aningeg i girdi’ u roy ni kar og niged bbugithin u mit Got ni ngar rin’ed.

1 Korinth 14:15

Ere mang e nggu rin’? Bay gu rin’ ni l’agruw, bay gu meybil nthin nda nnang fan, machane bay kug meybil ni yira nang fan; bay gon’ e tang ko thin nda nnang fan, machane bay ku gon’ e tang nthin ni yira nang fan.