Acts 20:9 - Bible Ni Thothup

⁹ Ma be’ ni kab pagel ni Eutykus fithingan e ke par nga langan e winda ngalang; ma nap’an ni be welthin Paul, ma be gel e chuchuw ngak Eutykus, me munmun me ri mol, me mul ko thal ndalip thal e naun nga but’. Ma fa’an ranod ra feked u but’, ma ke aw e fan rok.

Acts 20:9 Iomraidhean Croise

1 Kings 17:19

Me ga’ar Elijah, “Mpi’ fakam ngog.” Me fek fare pagel u pa’ fare pin me fek i yan ko thal ni lang e naun ko re senggil ni be par riy, me yan i tay nga daken e chob.

Mark 13:36

Ya nga yugum gin gad nike taw ma dabi pir’egmed ni gimed be mol!

Mark 9:26

Me tolul fare mo’onyan’ me margeynag me da’da’nag facha’ nib gel, me chuw u fithik’ i dow. Me par fare pagel ni gowa ke yim’, ni gubin e girdi’ me lungurad, “Ke yim’!”

Acts 14:19

Ma boch piyu Israel nrabad u Antiok ni bay u Pisidia nge boch piyu Israel nrabad u Ikonium, e ra pingeged laniyan’ fapi girdi’ ni aram urngin ngar folgad ngorad ngar malang niged Paul, nge mu’ miyad girengiy i yan nga wuru’ e binaw, ni kar fineyed ni kem’.

Acts 20:10

Me yan Paul nga but’ me yan i paraw nga daken nge dibey, me ga’ar, “Dab mu rusgad, ya kabay e pogofan rok!”

Acts 20:7

Me chirofen ni sabado nneap’ ma gamad mu’ulung nggu t’ared e flowa nggu wed nggu leam niged Somol. Me welthin Paul ngak fapi girdi’ nge yan i mada’ ko lukngun e neap’, ni bochan e reb e rran riy e nge yan.

Acts 20:8

Ma bpire’ e magal ni bay ko re senggil ni ba’aram ni gu mu’ulunggad ngay ko thal nlang e naun.