Acts 20:4 - Bible Ni Thothup

⁴ Mi Sopater nib pagel ni fak Pyrrhus ni be’ u Berea e un ngak Paul ngranow; ma ku er i tay Aristarkus nge Sekundus nrabow u Thessalonika; nge Gayus, ni yib u Derbe; nge Timothy; nge Tykikus nge Trofimus nrabad ko nug nu Asia.

Acts 20:4 Iomraidhean Croise

Acts 14:20

Machane fa’ani mu’ulung e pi’in ke mich Jesus u wun’rad ngak, me sak’iy nge sul ngalan fare binaw. Me reb e rran riy miyow yan Barnabas nga Derbe.

Acts 14:6

Ma fa’ani nang fa gali apostel murung’agen, miyow mil nga Lystra nge nga Derbe, ni l’agruw i binaw ni bay u lan yu Lykaonia, nge yungi n’en ni ir e bmigid ngaram.

Acts 16:1

Me milekag Paul nga Derbe nge nga Lystra. Ma bay be’ nib mich Jesus u wan’, ni Timothy fithingan nma par u rom; ma ku errogon e chitiningin ni ku ir be’ nib mich Jesus u wan’ ni ku be’ u Israel, machane chitamngin Timothy e be’ u Greece.

Acts 16:6

Miyad milekag u lan yu Frygia nge yu Galatia; ya de pagrad fare Kan Nthothup ni ngar machibgad u lan e nug nu Asia.

Acts 17:1

Miyow milekag ngranow u lan e binaw nu Amfipolis ngu Apolonia, miyow yib ko binaw nu Thessalonika, ni aram e gin ni bay ba tafen e mu’ulung rok piyu Israel riy.

Acts 17:13

Ma fa’ani rung’ag piyu Israel ni yad ma par u Thessalonika murung’agen Paul ni ki machibnag e thin rok Got ko girdi’ u lan e binaw nu Berea, miyad yib ngaram ngar tababgad i nonnon ngak e girdi’, ni yad be guy rogon ni nge togopluw e girdi’ ni pire’ ngak Paul nge Silas.

Acts 19:29

Me wear e re wagey nem u lan fare binaw ni polo’. Me kol fapi girdi’ ni yad be wagey Gayus nge Aristarkus, ni l’agruw ni’ u Macedonia, ni yad Paul ni yad be milekag, miyad fekrow nib gur nga tafen e gosgos.

Acts 2:9

Ya da bad u Parthia, ngu Media, ngu Elam; ngu Mesopotamia, ngu Judea, ngu Kappadocia; ngu Pontus ngu Asia,

Acts 20:16

Ma ke turguy Paul ni nggu warod u barkow ni dab gu talgad nga Efesus, ni fan e dab gu mitgad u lan e nug nu Asia. Ya be gur ni nge thap nga Jerusalem ni fa’an rayag ko chirofen ni rran ko Pentekost.

Acts 20:18

Ma fa’anra tawgad me ga’ar ngorad, “Gimed manang rogon e maruwel ni gu tay u n’umngin nap’an ni gu par romed, ko chirofen ni som’on ni gu taw ko nug nu Asia.

Acts 21:29

Rogned e re bugithin ney ni bochan e kar guyed Trofimus ni be’ u Efesus ni yow Paul u lan binaw, ma kar fineyed nike fek Paul e cha’nem i yib ngalan e Tempel.)

Acts 27:2

Ma gamad af nga daken reb e barkow ni yib u Adramyttium, ni be n’en ni nge yan ko pi binaw nma tal e barkow riy ko nug nu Asia, ma aram ma gamad yan. Mi Aristarkus, ni be’ u Macedonia ni yib u Thessalonika, e immoy romad.

Roma 16:21

I Timothy, ni gamow be maruwel e keyog ni nge felan’ Got ngomed; ma ku errogon Lucius, nge Jason, nge Sosipater, ni ku yad girdi’en e nam rog.

Roma 16:23

Gayus, ni ir e gu be par rok, ni ir e ma mu’ulung girdi’en e galesiya nga tafen e keyog ni nge felan’ Got ngomed; mi Erastus, ni ir e tachibgil salpiy ko binaw, nge Quartus ni walagdad e karognew ni nge felan’ Got ngomed.

2 Korinth 1:1

Re babyor ney e yib rok Paul, ni mang apostel rok Kristus Jesus ni Got e leamnag, nge rok Timothy ni walagdad ni girdi’en Kristus — Ngak girdi’en e galesiya rok Got u Korinth, nge ngak urngin e girdi’ rok Got u Greece ni polo’:

2 Korinth 1:19

Yi Jesus Kristus, ni Fak Got, ni ir e kug machib niged Silas, nge Timothy murung’agen ngomed e gathi be’ ni ir e “Kefel’ ” nge “Danga’.” Gathi errogon, ya ir e “Kefel’ ” rok Got;

Efesus 6:21

Tykikus ni walagdad ni girdi’en Kristus nib t’uf rodad, ni ir reb e tapigpig nib yul’yul’ ko maruwel rok Somol, e ir e bayi weliy ngomed murung’ageg ni gubin, nge yag ni ngam nanged rogog.

Filippi 2:19

Ba pagan’ug ngak Somol Jesus ni bayi gagiyegnag nge yag ni gu l’oeg Timothy nge yib ngomed ni kane’, ya nge sul nge weliy salapmed ngog nggu felfelan’.

Kolose 4:10

Aristarkus, ni bay rog u kalbus e be ga’ar nge felan’ Got ngomed, ma ku errogon Mark, ni be’ rok Barnabas. (Nike taw e thin riy ngomed faram u rogon ni ngam t’ufeged ko ngiyal’ nra taw ngomed.)

Kolose 4:7

I Tykikus nib t’uf rodad ni walagdad ni girdi’en Kristus, ni ir reb e tapigpig nib yul’yul’ ma gamad nga ta’ab raba’ i maruwel ku Somol, e ir e bayi weliy salpeg ni gubin ngomed.

1 Timothy 1:1

Re babyor ney e yib rok Paul ni ir reb e apostel rok Kristus Jesus. I Got ni ir e ma runguydad nge thapegdad ngak nge Kristus Jesus, ni ir e ke l’agan’dad ngak e ra turguyew ni nge mang reb e apostel —

2 Timothy 1:2

Ngak fakag i Timothy nib t’uf rog ni be lungug: I Got ni Chitamangiy nge Kristus Jesus ni Somol rodad e ngu’ur ayuwegew gur ma yow be runguyem ma yow be pi’ e gapas nga lanin’um.

2 Timothy 4:12

Ku gol’oeg Tykikus nga Efesus.

2 Timothy 4:20

I Erastus e ke par u Korinth, mi Trofimus e kug pag u Miletus, ni fan e mm’ar.

Titus 3:12

Ngiyal’ nra gu l’oeg Artemas ara Tykikus ngeb ngom e ngam athamgiliy nga mub ngog ko binaw nu Nikopolis, ya kug duwgiliy ni nggu par u rom u ngal’an e garbeb.

Filemon 1:24

ma ku errogon e pi’in gamad nga maruwel ni Mark nge Aristarkus, nge Demas nge Luke.

3 John 1:1

Re babyor ney e yib rok e en nib ilal — Ngak Gayus ni be’ nrib t’uf rog.