Acts 2:5 - Bible Ni Thothup

⁵ Ma bay boch piyu Israel ni yad be par u Jerusalem e ngiyal’nem, ni pumo’on ni yad ma tiyan’rad ko Motochiyel ni karbad u urngin e nam nu fayleng ngaram.

Acts 2:5 Iomraidhean Croise

Exodus 23:16

Mu madnom niged e Madnom ko T’ar Wom’ngin e Woldug ko ngiyal’ ni kam tababgad i t’ar wom’ngin e woldug romed. “Mu madnom niged e Madnom ko Nochi Na’un, ko ngiyal’ ni gimed ra kunuy wom’ngin e woldug romed.

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Zekariah 8:18

I SOMOL ni Gubin ma Rayag Rok e pi’ e re thin ney ngak Zekariah:

Matthew 24:14

Ma re Thin rok Got ney Ni Bfel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomuren e fayleng.

Luke 17:24

Ya rogon e uluch nma mat u baraba’ e lang nge yan nga baraba’, e aram rogon e n’en nra rin’ e en ni Fak e Girdi’ ko chirofen ni ir e rran rok.

Luke 2:25

Ma aram e immoy be’ nib mo’on ni be par u lan yu Jerusalem ni Simeon fithingan; ni ir be’ ni bfel’ ni bay madgun Got u wan’, ni be sonnag yu Israel ni ngan chuwegrad ko gafgow ni yibe tay ngorad. Ma bay fare Kan Nthothup rok,

Luke 24:18

Ma bagayow, ni Kleopas fithingan, e fith Jesus ni ga’ar, “Mog, kemus ni go’ gur e ka ga bay u Jerusalem ndawor mu nang e n’en ni kan rin’ u rom ko fa in i rran ni ba’aray nike yan?”

John 12:20

Ma immoy boch piyu Greece u fithik’ e pi’in nranod nga Jerusalem ni ngar uned ko meybil ko ngiyal’ ni bay fare madnom riy.

Acts 10:2

Ir be’ nma liyor ngak Got u wan’; me ir nge urngin e girdi’ nu tabinaw rok e yad ma meybil ngak Got. Ma ayuweg piyu Israel ni pi’in gafgow, ma yugu ma meybil ngak Got.

Acts 10:7

Ma aram me yan fare engel ni yib i non ngak, me pining Kornelius l’agruw i tapigpig rok nge ba salthaw, ni be’ nma liyor ngak Got u wan’ ni ir bagayad fa pi’in yad ma pigpig ngak Kornelius.

Acts 13:50

Machane me pingeg piyu Israel laniyan’ e pumo’on ni be tay murung’agen e re binaw nem nge pi’in ni ppin ni tolang ni gathi yad piyu Israel ma yad ma meybil ngak Got, ngar tababgad i gafgownag Paul nge Barnabas, miyad therbegrow ko nug rorad.

Acts 2:1

Ma fa’ani taw ko chirofen ni Pentekost, me mu’ulung urngin e pi’in nib mich Jesus u wun’rad nga ta’bang.

Acts 22:12

“Ma bay be’ nib mo’on u rom ni Ananias fithingan, ni be’ nma liyor ngak Got mma fol ko Motochiyel rodad, ma urngin piyu Israel ni yad ma par u lan yu Damaskus ni yad ma tayfan.

Acts 8:2

Ma boch e girdi’ ni yad ba yul’yul’ ngak Got e ra k’eyged Stefen ni yad be dololoy’nag.

Acts 8:27

Ma aram me fal’eg Filip rogon nge mu’ me yan. Ma bay be’ u Ethiopia ni be’ nib eunuch ni be sul i yan ko binaw rok. Re mo’on nem e be’ nib tolang nri ba ga’ fan, ya ir e mmil fan e salpiy rok ba queen nu Ethiopia ngak. I yib nga Jerusalem ni nge meybil ngak Got, me sul u ba karrow rok ni be girengiy e os. Nap’an ni bay u daken e re karrow nem ni be sul ma be be’eg e thin ni bay ko fare bak babyor ni yoloy Isaiah ni profet.

Deuteronomy 2:25

Daba’ i yan ngaram e bay gu tay daguwmed nga lanyan’ e girdi’ u gubin yang. Nap’an ni yira yog fithingimed ma gubin e girdi’ ni bay ra t’on gad ko marus.’

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.