Acts 2:47 - Bible Ni Thothup

⁴⁷ ma yad be pining e magaer ngak Got, ma yad be par ni yad bfel’ u wan’ urngin e girdi’. Ma gubin e rran ni be puthuy Somol ko re ulung rorad nem e pi’in kafin ra thapgad ngak Got.

Acts 2:47 Iomraidhean Croise

Luke 19:48

machane de pat ngorad rogon ni ngar rin’ed, ya urngin e girdi’ ni kar pired ni yad be motoyil ngak Jesus, ndaburad ni nge yan ta’ab bugithin nike yog ndar rung’aged.

Luke 2:52

Me ilal Jesus nge ga’, me ga’ e gonop rok, ma bfel’ u wan’ Got nge girdi’.

Acts 11:21

Ma be yodorom ma bay gelngin Somol ni be un ngorad, ma bo’or e girdi’ ni mich Jesus u wun’rad ngar piggad ngar manged girdi’en Somol.

Acts 11:24

Ma cha’nem i Barnabas e be’ ni bfel’ nib sug ko fare Kan Nthothup ma ba pagan’ ngak Jesus. Ma bo’or e girdi’ nra manged girdi’en Somol.

Acts 13:48

Ma fa’ani rung’ag e pi’in gathi yad piyu Israel e re bugithin ney miyad felfelan’ ngrogned ni bfel’ e re thin rok Somol nem; ma pi’in ke mel’egrad Got ni nge yag e yafos ndariy n’umngin nap’an ngorad e mich Jesus u wun’rad.

Acts 14:1

Ma ku aray rogon e n’en nrin’ u lan yu Ikonium: yan Paul nge Barnabas nga tafen e mu’ulung rok piyu Israel ngar welthingow, ma bo’or piyu Israel nge pi’in gathi yad piyu Israel nra piggad nge mich Jesus u wun’rad.

Acts 14:21

Me machibnag Paul nge Barnabas ngak e girdi’ u lan yu Derbe fare Thin Ni Bfel’ ni murung’agen Jesus, ma bo’or e girdi’ ni mich u wun’rad ngar manged pi gachalpen Jesus. Ma aram miyow sul nga Lystra ngranow u rom nga Ikonium, miyow yan u Ikonium nga Antiok ni bay u lan yu Pisidia.

Acts 16:5

Ma aram mi i gel i yan e michan’ rok girdi’en e galesiya ma yad be yo’or i yan ni gubin e rran.

Acts 17:12

Ma bo’or i yad ni mich Jesus u wun’rad; ma bo’or e ppin nu Greece ni ppin nib tolang nge ku bo’or e pumo’on nu Greece ni ki mich Jesus u wun’rad.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Acts 2:41

Ma bo’or i yad e mich u wan’ e thin nike weliy ngorad, ma aram min tawfe nagrad; gonap’an e dalip i biyu’ e girdi’ ni mun ko re ulung rorad nem e chirofen nem.

Acts 4:21

Me ri motochiyel fare ulung ngorow nike el merin, nge mu’ mi ni pagrow. Ya dar pir’eged tapgin ni ngan gechig nagrow, ya urngin e girdi’ ni yad be pining e magaer ngak Got ni bochan fa’anem nike gol.

Acts 4:33

Me ri yib gelngin e pi apostel ngar weliyed murung’agen e fos ko yam’ ni tay Somol Jesus, me ri ayuwegrad Got ni yad gubin.

Acts 4:4

Machane bo’or e girdi’ ni rung’ag e thin nrognew me mich u wun’rad; ma aram me yan urngin e pi girdi’ nem nge yan i mada’ ko lal i biyu’.

Acts 6:1

Munmun ma aram e be yo’or pi gachalpen Jesus i yan, me yib i malu’ag thin piyu Israel ni pi’in yad ma non ni thin ni Greek nge pi’in nni gargelegrad u Israel. Tin ni ba’aram e girdi’ nu Israel ni yad ma non ni Greek e rogned ni tirorad e ppin ni pi’in ke yim’ figirngirad e gubin e rran ni yira f’oth ban’en ma yibe pagrad.

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

Acts 9:35

Ma urngin e girdi’ ni be par u lan yu Lydda ngu Sharon nra guyed e cha’nem, me pig lanin’rad nge mich Somol u wun’rad.

Roma 14:18

Ma en nra pigpig ngak Kristus ko biney e kanawo’ e ra fel’ u wan’ Got ma ku ra fel’ u wan’ e girdi’.

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;

1 Korinth 1:18

Ya murung’agen e yam’ ni tay Kristus u daken e kuruth e thin ko balyang u wan’ e pi’in kar maloggad; machane rogon u lanin’dad e pi’in kad thapgad ngak Got e ireram gelngin Got.