Acts 2:14 - Bible Ni Thothup

¹⁴ Me sak’iy Peter ngalang nge fa ragag nge ta’reb i apostel, me tabab i welthin ngak fapi girdi’ ni aram urngin ni ba ga’ laman ni be ga’ar; “Gimed piyu Israel, nge gimed urngin e girdi’ ni gimed be par u lan yu Jerusalem, mmotoyilgad ngog mi gimed tedan’med ko tin ni nggu weliy.

Acts 2:14 Iomraidhean Croise

Proverbs 8:32

“Gimed e pi’in pagel, mu telmed ngog. Mu rin’ed e tin kugog mu um pired ni gimed ba felfelan’.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Isaiah 51:1

I SOMOL e be ga’ar, “Motoyil ngog, gur e en ga ba’adag ni ngam thap, i gur e en ga be man ayuw ngog. Mu leamnag fare war ni mub riy ni ir e ni thirfem riy ngan ngongliyem.

Isaiah 51:4

“Mmotoyilgad e girdi’ rog ngog, murung’aged e n’en ni nggog: Ku gu pi’ e machib rog ko pi nam; pi motochiyel rog e bay i fek e tamilang i yib ngorad.

Isaiah 51:7

“Mmotoyil ngog, ni gur e en gamnang e n’en nib mat’aw, nike rich e machib rog nga fithik’ i lanin’um. Dab murus ko ngiyal’ ni be kak’aringem e girdi’ ma yad be yog e thin nib kireb ngom;

Isaiah 52:8

Pi’in yad be matanagiy e binaw e yad be tolul, yad be tolulnag e felfelan’ u ta’bang. Ya kar guyed nga owcherad nike sul SOMOL nga Zion!

Isaiah 55:2

Mang ni kam n’iged e salpiy ko n’en ni dab mu fosgad ngay? Mang ni ka mu wereged puluwmed kem’ay ma dawor mu fosgad? Mu telmed ngog mi gimed rin’ e tin nggog, me yag ngomed e tin th’abi fel’ e ggan.

Isaiah 58:1

Be ga’ar SOMOL, “Mu tolul nge mus ga’ngin lungum! Mu weliy ngak yu Israel ni girdi’ rog e denen rorad!

Hosea 8:1

I SOMOL e ga’ar, “Mu thoyed e yabul ni ngan nang ni pi to’ogor e yad be ngolol i yib nga daken e nam rog ni bod e manuw! Girdi’ rog e kar th’abed fare m’ag ni gu ngongliy u thilmad yad be togopluw ko machib rog.

Matthew 2:1

I Jesus e ni gargeleg u lan e binaw nu Bethlehem, ni bay u lan e nug nu Judea, ko ngiyal’ ni Herod e pilung. De n’uw nap’an ni kan gargeleg Jesus me yib boch e girdi’ u ngek nga Jerusalem, ni girdi’ ni manang murung’agen e t’uf, miyad fith ni be lungurad,

Acts 1:26

Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

Acts 13:16

Me sak’iy Paul ngalang, me non nga pa’ me tabab ko welthin ni ga’ar, “Gimed e pi’in gadad piyu Israel nge urngin e pi’in gathi yad piyu Israel ni bay u roy ni yad ma meybil ngak Got: Mu telmed ngog!

Acts 2:22

“Gimed piyu Israel, mu telmed ko pi thin ni ba’aray! I Jesus nu Nazareth e be’ ni maruwel rok ni pi’ Got e ndag ngomed nrib tamilang u daken e pi maang’ang, nge pin’en nni ngat ngay, nge pi pow ni ngongliy Got u pa’; gimed ma gimed manang, yu roy u fithik’med e rin’ riy.

Acts 21:28

Miyad tolul ni lungurad, “Gimed piyu Israel, mu ayuweged gamad! Ireray fare mo’on ni be machibnag urngin e girdi’ i yan ni be machib nib togopluw ngak e girdi’ nu Israel, nge fare Motochiyel rok Moses, nge re Tempel ney. Ma chiney e mus ngak boch e girdi’ ni gathi yad piyu Israel nike fekrad i yib ngalan e Tempel ke alitnag e re gin’ey nib thothup!” (

Acts 5:35

ma aram me ga’ar ngak fare ulung, “Piyu Israel, mu ayuwgad u rogon e n’en ni ngam rin’ed ngak e pi pumo’on nem.

Acts 7:2

Me fulweg Stefen ni ga’ar, “Pi walageg nge pi chitamag! Mmotoyilgad ngog! I Got ni ir e ba th’abi fla’ab e yib i m’ug ngak e chitamangidad i Abraham ko ngiyal’ ni be par u lan yu Mesopotamia u m’on ndawori yan i par ngalan yu Haran,

Deuteronomy 27:9

Miki ga’ar Moses nge fapi Levi ni prist ngak urngin fapi girdi’ nu Israel, “Gimed e girdi’ nu Israel, mu th’abed gulungmed ngam motoyilgad ngomad. Daba’ e kam manged girdi’en SOMOL ni Got romed;

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.