Acts 2:11 - Bible Ni Thothup

¹¹ ni piyu Israel nge pi’in gathi yad piyu Israel ni kar uned ko taliw rok piyu Israel; ma boch i gadad e rabad u Krete ngu Arabia — machane gadad gubin ni gadad be rung’ag ni yad be welthin nthin ko nam rodad ni yad be weliy murung’agen e pin’en nib sorok Got nike ngongliy!”

Acts 2:11 Iomraidhean Croise

1 Kings 10:15

nge cheag ngay urngin e tax ni be fek u pa’ e girdi’ ni be fol chuway’, nge win ni be yib ko fol chuway’, nge wolbuw ni be pi’ e pi pilung nu Arabia nge pi governor ko pi nug nu Israel ngak.

2 Kronicles 17:11

Boch piyu Filistia e ra feked i yib ngak Jehoshafat e silber nib yo’or nge ku boch e pi tow’ath, ma boch piyu Arab e ra feked i yib ngak 7,700 e saf nge 7,700 e kaming.

2 Kronicles 26:7

Me ayuweg Got nge gel ngak piyu Filistia, nge piyu Arab ni yad ma par u Gurbaal, nge yu Meun.

BABYOR NI JOB 9:10

Dabiyag ni ngad nanged fan e pin’en nib thum’ ngaru’ nma rin’, nge pi maang’ang rok ni dabi mus.

Psalms 107:15

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:21

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:8

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad!

Psalms 111:4

I SOMOL e der ma pagdad ngad pagged tilin epi maang’ang nma rin’; ir e ba gol ma ba marnguy.

Psalms 136:4

Ri ma’agrag Ir e ma ngongliy e tin th’abi ga’ e maang’ang; t’ufeg rok e ba manemus.

Psalms 26:7

Gu be yon’ tangin e ogmagaer ni gu be weliy murung’agen urngin e gafarig rom ni rib manigil.

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Psalms 71:17

Kugub bitir ma ga tabab i fonow nigeg, ma ku gu be weliy feni manigil e ngongol rom.

Psalms 77:11

SOMOL, bay i yib ngan’ug e pi gafarig rom ni bfel’; bay ug leamnag e pi ma’ang’ag ni um rin’ kakrom.

Psalms 78:4

Dab da mithaged rok pifakdad, nga dogned ko bin migid e mfen murung’agen SOMOL nib gel nge gafarig rok ni bfel’ nge pi maang’ang ni i rin’.

Psalms 89:5

A SOMOL, piyu tharmiy e yad be tangnag e pi manigil ni ga be rin’ yad be tangnag fanam yul’yul’ i gur SOMOL.

Psalms 96:3

Mu weliyed ngak e pi nam murung’agen gelngin, mi gimed weliy ngak urngin e pi nam e pi maang’ang nike ngongliy.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Isaiah 13:20

Dariy be’ nrayag ni ngki par u rom. Dakriy reb e Arab i yug be yan ni ku ra n’uf e tent rok u rom, ma aram rogon e pi tagafaliy e gamanman ni dakriy bagyad nra gafaliy e gamanman rok u rom.

Isaiah 21:13

Irera’ e thin ni murung’agen yu Arabia. Gimed e girdi’ nu Dedan, fare thelep romed e gif u lan e nam nu Arabia,

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 28:29

Gubin e pi gonop ney e ma yib rok SOMOL ni Gubin ma Rayag Rok. Tin ni tanomnag Got e go’ bfel’, ma urngin ngiyal’ mma yan i aw ni bfel’.

Jeremiah 3:2

Mu changar ngalang nga p’ebgul e burey. Kabay bang ni dawor mu ngongol riy ni bod be’ nma chuway’ ngak? U mu sonnag pi ilingem u charen e kanawo’ ni bod ba Arab ni be son u daken e ted ni nge og ngak be’. Karim ta’aynag e binaw ko chuway’ ni ga be tay ngom.

Acts 2:10

ngu Frygia ngu Pamfylia, ngu Egypt nge yu yang u Libya nib chugur nga Cyrene; ma boch i gadad e yib u Roma,

Acts 2:12

Ma yad gubin nra bagayad ma be fith bagayad ni be ga’ar, “Be mang e ren’ey?” Ya kar ngatgad ma ke balyangan’rad.

Acts 27:12

Ya re dubchol nem e gathi reb e dubchol ni bfel’ ni ngan par riy u ngal’an e garbeb; ere oren e girdi’ e yad ba’adag ni nge yan e barkow nga ni guy rogon ngan thap nga Fenix, ni fa’anra yag; ni reb e dubchol ni bay u lan yu Krete nib pig ngalan e yimuch ni ngal nge ngalan e lel’och ni ngal, ya rayag ni ngar pired u rom u ngal’an e garbeb.

Acts 27:13

Me yib e nifeng u lan e yimuch nib waer, me finey fapi pumo’on nrayag ni nga ni yan ni bod rogon ni kar leam niged; ma aram miyad girengiy e angkar ngalang me yan fare barkow ni kan chugurnag nga dap’e l’ay u Krete nrogon nrayag.

Acts 27:7

Ma gamad yan ni gamad ba sowath ni in e rran, nrib mo’maw’, machane me munmun ma gamad taw ngabang nib chugur ko binaw nu Knidus. Ma dakiyag ni gu warod i yan ko gin ni gamad be sor ngay ni bochan e nifeng, ma aram ma gamad sor ko ba’ nib mocha’ ko nam nu Krete, ma gamad yan u to’oben yu Cape Salmone.

1 Korinth 12:10

Ma re Kan Nthothup nem e bay n’en me pi’ gelngin be’ nge yag ni ngongliy fa’anem e maang’ang; me pi’ gelngin be’ ni nge machibnag e thin rok Got ngak e girdi’; me pi’ gelngin be’ nge yag ni nang e tin ni yib rok fare Kan Nthothup nge tin ni gathi Kan Nthothup e yib rok. Me pi’ gelngin be’ nge yag ni welthin nthin ndawor nrung’ag ma da nnang fan; me pi’ gelngin be’ nge yag ni weliy fan e pi thin nem.

1 Korinth 12:28

I Got e urngin e girdi’ nra be’ ma ke fek ke tay ko gin ntagil’ ko galesiya ni ba’aray rogon: som’on e pi apostel, me migid e pi profet, me migid ma pi tamchib; me migid ma pi’in yad ma ngongliy e maang’ang, me migid ma pi’in ke pi’ Got gelngirad ni ngar golniged e liliy, ara ngar ayuweged boch e girdi’, ara ra pow’iyed yad, ara ra welthingad nthin ndawor nrung’ag ma da nnang fan.

Galatia 1:17

ara gu wan nga Jerusalem ngug guy e pi’in yad e ar manged apostel. Machane n’en ni gu rin’ e ka chingiyal’ nem mu gu wan nga Arabia, mu gu sul u Arabia nga Damaskus.

Galatia 4:25

I Hagar e be yip’ fan e burey ni Sinai u lan yu Arabia, mi ir e be yip’ fan fare binaw nu Jerusalem ni bay e chiney, nike un ngak urngin e girdi’ rok kar manged sib.

Titus 1:12

Ma be’ u Krete ni ir reb fapi profet rorad e yog ni ga’ar, “Girdi’ nu Krete e gubin ngiyal’ ni yad ma ban, ma yad e gamanman nib kireb, ni yad ba gamed ma ba ga’ l’ugunrad ko abich.”

Titus 1:5

Gu pagem u Krete ni fan e ngam fal’eg rogon e tin kabay ban’en ni ngan muruwliy, ma nge reb e binaw ma ga duwgiliy e pi’in ngar manged pi’ilal ko galesiya riy. Dab mpag talin e tin kugog ngom nike lungug:

Hebrews 2:4

Ma ku re ngiyal’ i n’em e micheg Got e tin ni yad be weliy murung’agen u daken gelngin ni i dag u pa’rad ni ir e pow riy. Ma be dag u pa’rad bogi n’en ni un ngat ngay, nge bo’or mit e maang’ang. Ma ki f’oth rorad e salap ni tow’ath ni yib rok fare Kan Nthothup ni rogon ni be finey.