Acts 19:19 - Bible Ni Thothup

¹⁹ Ma bo’or e pi’in yad ma pig nra kunuyed e babyor rorad nga ta’bang ngar urfiyed u p’eowchen urngin e girdi’. Miyad puthuy puluwon fapi babyor me yan i gaman wugem e biyu’ e salpiy ni wasey nib silber.

Acts 19:19 Iomraidhean Croise

Genesis 35:4

Ma aram miyad pi’ gubin fapi got rok piyu bang ngak Jakob nge talbuch u telrad, me k’eyag ni urngin nga tan bake gek’iy ni oak ni bay u charen yu Shekem.

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

Exodus 32:20

Me fek fare liyos ni kar ngongliyed ni bod ya’an ba fak e garbaw, nge urfiy, me pirdi’iy nge par nike yochyang, me athkuy ko ran. Me tay ir ngak e girdi’ nu Israel ngar unumed.

Exodus 7:11

Ma aram e fare pilung e pining e pi gonop nge pi ta pig, miyad rin’ ni ku aram rogon.

Exodus 7:22

Ma pi tapig u Egypt e ra piggad miyad rin’ ni aram rogon me yog rorad, fin aram e ri gelnag fare pilung laniyan’. Ma de fol ko thin rok Moses nge Aron, nri bod rogon ni fa’ani yog SOMOL.

Isaiah 30:22

Bay mu feked e pi liyos nni ngongliy ko silber nge pi liyos romed ni ka ni liyef ko gol, ngam n’iged ni bod e dow ni gimed be tolul ni gimed be ga’ar, “Mu chuw riy!”

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Daniel 2:2

Me pi’ e thin nge yan ngak e pi tamanbey rok, nge pi tamerong, nge pi’in nma pig, nge pi llowan’ ni ngarbad ngar weliyed fan e re lik’ay rok nem. Fa’an rabad ra sak’iygad nga p’eowchen e en ni pilung,

Levitikus 13:52

Ma fare prist e thangri urfiy fare n’en, ni bochan e ke garar e pthethaw riy ni dabisiy ni thingar ni kirebnag ko nifiy.

Luke 14:33

Me ga’ar, “Ere ku aray rogon ndariy bigimed nra mang gachalpeg ni fa’anra dabi pag urngin e tin ni bay rok ban’en.”

Luke 15:8

“Susun e aray rogon ma bay ragag i salpiy ni wasey rok be’ ni bpin me yan reb ngabang — ere gur mang e ra rin’? Ra tay e nifiy ko magal, me wologuy lan e naun rok, me fal’eg i chachangarnag u gubin yang nge mada’ ko ngiyal’ ni fin ra pir’eg riy.

Acts 13:6

Miyad th’ab e re donguch nem nga baraba’ ngranod nga Pafos, aram e gin nra pir’eged be’ riy nib tapig ni BarJesus fithingan, ni ir be’ u Israel ni be yog ni ir reb e profet.

Acts 13:8

Machane me togopluw Elymas ngorow, ni be’ nib tapig (ireray fithingan ko thin nu Greece); i guy rogon ni nge pingeg fare am nge dabi mich Jesus u wan’.

Acts 19:18

Bo’or e pi’in ke mich Jesus u wun’rad nrabad ngrogned u fithik’ e girdi’ ni yo’or e tin nib kireb ni ur rin’ed.

Hebrews 10:34

Mu uned ko gafgow ni i tay e pi’in ka nin’rad nga kalbus, ma fa’an nni fek urngin e chugum romed u fithik’ e yargel mi gimed k’adan’med ko chugum romed ni kan fek, ma gimed ba felfelan’ ngay, ya gimed manang ni kabay ban’en romed ni kabfel’ ngay, ni bayi par ni dabi m’ay bi’id.