Acts 19:18 - Bible Ni Thothup

¹⁸ Bo’or e pi’in ke mich Jesus u wun’rad nrabad ngrogned u fithik’ e girdi’ ni yo’or e tin nib kireb ni ur rin’ed.

Acts 19:18 Iomraidhean Croise

Psalms 32:5

Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

Proverbs 28:13

Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.

Jeremiah 3:13

Kemus ni ngamog ni rriyul’ ni gur e ba kireb e rom ma rriyul’ ni ku’um togopluw ngak SOMOL ni Got rom. Mog nga tamilang ni tanggin urngin e gik’iy nib galunglung ma um t’ufeg yug boch e got nu bang riy ni da kum fol ko tin gog. I Gag SOMOL e gu be non.

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

Ezekiel 36:31

Bay yib ngan’med pangimed nib kireb nge tin tagan ni um ngongliyed, mi gimed dabuymed ni bochan e denen romed nge kireb ni um rin’ed.

Levitikus 16:21

Ma nge tay pa’ nruw raba’ nga daken lolugen me weliy urngin e kireb, nge denen, nge togopluw ni be tay yu Israel, ni aram e ke chuweg u dakenrad ke tay nga daken lolugen e re kaming nem. Ma aram e ngan tuluf fare kaming i yan ngalan e ted ni desert ni be’ ni kan duwgiliy e ir e nge tuluf e re kaming nem.

Levitikus 26:40

“Machane pi’in owchemed e bay ra puwofay niged e denen rorad nge denen rok e pi chitmangirad kakrom ni u ra gel niged lanin’rad mu’ur togopluwgad ngog,

Matthew 3:6

Miyad weliy e denen rorad me tawfe nagrad John u lan e lul’ ni Jordan.

Acts 19:17

Ma urngin piyu Israel nge pi’in gathi yad piyu Israel ni yad be par u Efesus e rrung’aged murung’agen e ren’ey; ma yad gubin nra tamdaggad, ma aram me ri ga’ fan fithingan Somol Jesus u wan’ e girdi’.

Acts 19:19

Ma bo’or e pi’in yad ma pig nra kunuyed e babyor rorad nga ta’bang ngar urfiyed u p’eowchen urngin e girdi’. Miyad puthuy puluwon fapi babyor me yan i gaman wugem e biyu’ e salpiy ni wasey nib silber.

Roma 10:10

Ya ra mich u wun’dad me mat’awnagdad Got ngak; ma gadad ra yog nga dap’i l’ugundad, ma aram e kad thapgad.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

1 John 1:9

Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.