Acts 19:13 - Bible Ni Thothup

¹³ Ma boch piyu Israel ni ur milekaggad i yan ngu’ur tulufed e mo’onyan’ rok e girdi’ e ku ra guyed rogon ni ngar maruwelgad nga fithingan Somol Jesus ngar tulufed e mo’onyan’. I lungurad ngak e pi mo’onyan’, “Gu be non ngomed u fithingan Jesus ni ir e be machibnag Paul murung’agen, ni ngam chuwgad.”

Acts 19:13 Iomraidhean Croise

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Genesis 4:14

Chiney e ngam chuwegeg ko re gi but’ ney ngu p’eowchem. Bay gu par ni dariy e naun rog mu ug malethay u fayleng i yan, ma demturug be’ nra mada’ nigeg me li’eg nggum’.”

1 Kings 22:16

Me ga’ar Ahab ngak, “Nge uw urngin yay ni nggog ngom ni kemus ni tin riyul’ e ngam weliy ngog u fithingan SOMOL?”

Psalms 109:10

Mang e yigi malethay pifak; mang e yi gun tulufrad ko gin ke mogoth ni yad ma par riy!

Matthew 12:27

Gimed be yog ni gu be tuluf e pi mo’onyan’ ngar chuwgad ni bochan e ke pi’ Beelzebul gelngig nrayag ni gu rin’. Ere mini’ e ke pi’ gelngin pi gachalpmed ni ngar tulufed e mo’onyan’ rok e girdi’? Pi gachalpmed e kar micheged nri gimed be oloboch!

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Mark 5:7

me tolul ni ba ga’ laman ni be ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Gu be wenig ngom u mit Got ndab mu gechig nigeg!”

Mark 9:38

Me ga’ar John ngak, “Tamchib, kug guyed be’ nib mo’on ni be maruwel nga fithingam ngi i tuluf e mo’onyan’ rok e girdi’, me ere ku gogned ngak ni nge dabki rin’, ya gathi ir be’ ko ba’ rodad e girdi’.”

Luke 11:19

Fa’anra ireray rogon kanawo’en ni gu be tulufrad u fithik’ e girdi’ ngar chuwgad, me ere uw rogon nma tulufrad pi gachalpmed? Pi gachalpmed e kar micheged nri gimed be oloboch!

Luke 9:49

Me non John ni ga’ar, “Masta, kug guyed be’ nib mo’on ni be maruwel nga fithingam ngi i tuluf e mo’onyan’ ko girdi’, me ere ku gogned ngak ni nge dabki rin’, ya gathi ir be’ ko ba’ rodad e girdi’.”

Acts 19:14

Fa medlip i pagel ni fak fare Prist ni Th’abi Ga’ u Israel ni Skeva fithingan e rrin’ed ni aram rogon.

2 Korinth 11:4

Ya mm’agan’med ngay ni gimed ra k’adan’med rok be’ nike yib ngomed ni nge yib i machibnag ngomed yugu reb e Jesus, ni gathi bin ni gamad be machibnag murung’agen; mi gimed fol rok reb e kan nge yugu reb e machib nrib thil ko fare Kan Nthothup nge Thin Ni Bfel’ ni yib rok Got nike yag ngomed romad!

Joshua 6:26

Me ning Joshua chiylen ngak e girdi’ e ngiyal’nem ni ga’ar, “En nra guy rogon ni nge fulweg e re binaw nu Jeriko ney nga rogon e ra bucheg SOMOL wa’athan. En nra tabab i muruwliy e ra yim’ e bin th’abi ilal i fak ni pumo’on; ma en nra ubung e garog riy e ra yim’ e bin th’abi bitir i fak.”

1 Samuel 14:24

Rofen nem e ke yim’ piyu Israel ko bilig, ya ke micheg Saul bbugithin u p’eowchen SOMOL nike ga’ar, “Ra buch wa’athan e cha’ nra kay ban’en e daba’ u m’on ndawor gu falbayen e pi to’ogor rog.” Ere dariy be’ ni kay ban’en ko binem e rran ni polo’.