Acts 18:15 - Bible Ni Thothup

¹⁵ Machane bochan e kemus ni yu bugithin nge bogi ngachal nge motochiyel romed e gimed be lu’ag murung’agen, ma aram e gimed romed e ngam pithiged. Ye gag e dab gu pithig e tinir e thin!”

Acts 18:15 Iomraidhean Croise

Matthew 27:24

Ma fa’ani guy Pilate ndakuriy fan ni ngki fithrad ya richey min cham, me fek e ran nge lukuy pa’ ngay u p’eowchen fapi girdi’ ni aram urngirad me ga’ar, “Yam’ ni nge tay e re mo’on ney e dariy bochu’uw murung’agen ngog! Ya gimed e kam dugliyed!”

Matthew 27:4

ni be ga’ar, “Kug denen, ya kug yagnag be’ nib mo’on ndariy ban’en nike kirebnag ni ngan li’ ngem’!” Miyad fulweg ngak ni lungurad, “Dariy rogon e tin ngomad, ya gur e bay rogon ngom!”

John 18:31

Me ga’ar Pilate ngorad, “Mfeked ngam pufthin niged u rogon yalen e motochiyel romed.” Me fulweg fapi cha’ ni lungurad, “Dawor nni pi’ mat’awmad ni nge yag ni gu li’ed be’ ngem’.” (

Acts 18:13

Me lungurad, “Re mo’on ney e be guy rogon ni nge towasor ngak e girdi’ ngar meybilgad miyad liyor ngak Got u reb e kanawo’ nib togopluw ko motochiyel!

Acts 23:29

Mu gu pir’eg ndawori ngongliy ban’en ni gomanga ke yib tapgin riy ni ngan li’ ngem’ ara ntay nga kalbus; ya n’en nib togopluw ngak e bay murung’agen ko motochiyel rorad.

Acts 25:11

Fa’anra kug th’ab e motochiyel ni kug rin’ ban’en nike yib tapgin ni ngan thang e fan rog ni bochan, ma dab gu wenignigeg ni nge dab nrin’ ngog. Machane fa’anra de riyul’ e pin’en ni karogned nib togopluw ngog, ma dariy be’ nrayag rok ni nge pi’eg nga pa’rad. Ere gu be wenig ni ngan pi’ e re pa’ i oloboch ney nge yan ngak e cha’ ni ir e Emperor nu Roma.”

Acts 25:19

Kemus ni murung’agen e taliw rorad e ir e ur lu’aged murung’agen, nge murung’agen be’ ni kem’ ni Jesus fithingan; ya be yog Paul ni cha’nem e ke fos ko yam’.

Acts 26:3

Re bugithin ney e ba riyul’ yi gur ma rib tamilangan’um u yalen nge tin nder ta’reban’ piyu Israel riy. Ere gu be wenig ngom ni ngam gum’an’nigem ngam motoyil ngog.

1 Timothy 1:4

Mog ngorad ni ngar paged e pi yat nem ndab kur weliyed ngak e girdi’, nge fithingan pi chitamangiy ni kakrom ni ka ma yo’or, ya ireray e pin’en ni be k’aring e tugthin; ya pin’ey e der ayuweg i muruwliy e n’en ni kem’ay i leamnag rok Got ke tay ni kan nang u daken e mich u wun’uy ngak Kristus.

1 Timothy 6:4

e ba ufanthin, ma dariy ban’en ni manang. Ma ri ba’adag ni nge malu’ag thin me tugthin ngak be’ u murung’agen yu bugithin, ma ireray e ren’en nma sunumiy e awan’, mma wereg e girdi’, mma k’aring e thin nib kireb nganog, ma ir e ma pow’iy e girdi’ ngi i sana be’ ku be’ nib kireb e n’en ni be leamnag,

2 Timothy 2:23

Mu tem u orel ko malu’ag thin ndariyfan nma tay e pi’in ndar nanged fan e n’en ni yad be yog; ya ga manang ni bayi n’en miyad tugthin.

Titus 3:9

Ma ngam tem u orel ko malu’ag thin ndariyfan, nge ngachal ni pire’ ni kan yoloy nga babyor ni ngachalen pi chitamangiy ni kakrom, nge tugthin, nge malu’ag thin ni murung’agen e Motochiyel. Ya dariyfan ma dariy gam’ingin.