Acts 18:12 - Bible Ni Thothup

¹² Ma nap’an nturguy Gallio ni nge governor nu Roma u Greece, me mu’ulung piyu Israel ngar koled Paul ngar feked i yan ngalan tafen e pufthin.

Acts 18:12 Iomraidhean Croise

Matthew 27:19

Ma nap’an nike par Pilate nga tagil’ u lan fare senggil ni tafen e pufthin, me pi’ e bpin rok e thin nge yib ngak ni ga’ar, “Mpag e re mo’on nir ndawori bucheg ban’en, ndariy ban’en ni ngam rin’ ngak, ya fowngan e ri gu gafgow u malik’ay ni bochan.”

John 19:13

Ma fa’ani rung’ag Pilate e pi thin nem me fek Jesus i yib nga wean me yan Pilate i par nga tagil’ e tapufthin u lan fa gin’en nike lunguy “Wunbey.” (Ma fithingan ko thin ni Hebrew e “Gabbatha.”)

Acts 13:12

Ma fa’ani guy fare am e n’en nike rin’ fa’anem, me mich Jesus u wan’; me ri gin ko tin nike rung’ag ni murung’agen Somol.

Acts 13:50

Machane me pingeg piyu Israel laniyan’ e pumo’on ni be tay murung’agen e re binaw nem nge pi’in ni ppin ni tolang ni gathi yad piyu Israel ma yad ma meybil ngak Got, ngar tababgad i gafgownag Paul nge Barnabas, miyad therbegrow ko nug rorad.

Acts 13:7

I ir be’ ni yow ba pach e en ni ir e am ko re donguch nem, ni aram Sergius Paulus, ni be’ nib mo’on nib llowan’. Me pining fa’anem ni am Barnabas nge Saul ngar bow nga p’eowchen, ya ba’adag ni nge rung’ag e thin rok Got.

Acts 13:8

Machane me togopluw Elymas ngorow, ni be’ nib tapig (ireray fithingan ko thin nu Greece); i guy rogon ni nge pingeg fare am nge dabi mich Jesus u wan’.

Acts 14:19

Ma boch piyu Israel nrabad u Antiok ni bay u Pisidia nge boch piyu Israel nrabad u Ikonium, e ra pingeged laniyan’ fapi girdi’ ni aram urngin ngar folgad ngorad ngar malang niged Paul, nge mu’ miyad girengiy i yan nga wuru’ e binaw, ni kar fineyed ni kem’.

Acts 14:2

Machane pi’in nu Israel ndaburad ni nge mich Jesus u wun’rad e ra nonod ngak e pi’in gathi yad piyu Israel ngar pired ni kar damumuwgad ngak e pi’in walagey ni girdi’en Kristus.

Acts 17:13

Ma fa’ani rung’ag piyu Israel ni yad ma par u Thessalonika murung’agen Paul ni ki machibnag e thin rok Got ko girdi’ u lan e binaw nu Berea, miyad yib ngaram ngar tababgad i nonnon ngak e girdi’, ni yad be guy rogon ni nge togopluw e girdi’ ni pire’ ngak Paul nge Silas.

Acts 17:5

Me awan’ piyu Israel ngorow, miyad kunuy boch e girdi’ u kanawo’ ni girdi’ ni yugu ma yan ndariy e maruwel rorad ni ngar mu’ulunggad ngar wageygad. Miyad wagey u lan fare binaw ni polo’, miyad yan ni cham nga tafen Jason, ni yad be guy rogon ni ngar pir’eged Paul nge Silas ngar feked yow nga waen i yib ngak e girdi’.

Acts 18:11

Ma aram me par Paul u rom ni reb e duw nge baley, ni be machibnag e thin rok Got ngak e girdi’.

Acts 18:27

Me turguy Apollos ni nge yan nga Greece, ma pi’in ke mich u wun’rad Jesus ni yad bay u Efesus e ra ayuweged ni aram e ra yoloyed bangi babyor nge yan ngak e pi walagrad ni bay u Greece ni aram girdi’en Kristus, ni yad be wenig ngorad ni nge yan ngorad ma ngar ayuweged u rom. Ma fa’ani taw, ma ri ba ga’ e ayuw ni pi’ ngak e pi’in ke mich Jesus u wun’rad u daken e runguy nge ayuw rok Got ngorad.

Acts 19:21

Ma tomuren nike m’ug e tiney, me turguy Paul u wan’ ni nge yan u lan yu Macedonia nge yu Greece me yan u rom nga Jerusalem. Me ga’ar, “Ra gu taw ngaram ma ku errogon ni thingar ku gguy yu Roma.”

Acts 25:10

Me ga’ar Paul, “Gub sak’iy e chiney u gil’ e puf oloboch rok e en ni Emperor nu Roma, ni aray e gin ni yalen ni ngan pufthinnigeg riy. Dariy ban’en nib kireb ni kug ngongliy ngak yu Israel, ni gur ma rib tamilangan’um riy.

Roma 15:26

Ya girdi’en e galesiya nu Macedonia ngu Greece e kar turguyed, ni ngar pi’ed e salpiy nge ayuweg e pi’in yad ba gafgow u fithik’ e girdi’ rok Got ni yad bay u Jerusalem.

Roma 16:5

Ngki felan’ Got ngak fare galesiya nma mu’ulung nga taferow. Nge felan’ Got ngak Epenetus, ni fager rog nrib t’uf rog, ni ir e som’on ni mich Kristus u wan’ u lan e nug nu Asia.

1 Korinth 16:15

Gimed manang murung’agen Stefanas nge girdi’en e tabinaw rok; yad e som’on ko girdi’ u Greece nra piggad ngar manged girdi’en Kristus, ma yad be tiyan’rad ngak girdi’en Got yad be ayuwegrad. Gu be wenig ngomed, pi walageg ni girdi’en Kristus,

2 Korinth 1:1

Re babyor ney e yib rok Paul, ni mang apostel rok Kristus Jesus ni Got e leamnag, nge rok Timothy ni walagdad ni girdi’en Kristus — Ngak girdi’en e galesiya rok Got u Korinth, nge ngak urngin e girdi’ rok Got u Greece ni polo’:

2 Korinth 11:10

Rogon feni riyul’ ni bay Kristus u fithik’ag e nggog nre bugithin ney ni gub felan’ ngay e dariy bang u roy u Greece nrayag ni ngan thang riy.

2 Korinth 11:26

Ma ke yo’or e milekag ni gu tay ni chugur gum’ ko ran ni sugubur e lul’ nge yib nga daken e binaw, nge rok e moro’ro’ nma fek ban’en u fithik’ e yargel, nge rok piyu Israel ni gamad girdi’en ta’ab nam nge rok e pi’in gathi yad piyu Israel; ma kug chugur ko riya’ u lan e binaw i yan, ngu daken e ted, ngu lan e regur, nge rok e pi’in yad be dake yad boch e walag u daken Kristus.

2 Korinth 9:2

Gu manang ni gimed ba’adag ni ngam pi’ed e ayuw, ma kug weliy murung’agmed ngak e girdi’ nu Macedonia ni gub felan’ ngay nike lungug, “Pi walagdad ni girdi’en Kristus ni yad bay u Greece e ka fa binem e duw nra pired ni kar fal’eged rogorad ni ngar pi’ed e ayuw.” Ma pasigan’ romed ni ngam pi’ed e ayuw e ke pi’ e pasig nga laniyan’ bo’or i yad.

1 Thessalonika 2:14

Pi walageg ni girdi’en Kristus, gimed e ta’reb rogon e n’en ke rin’ e girdi’ ngomed ko n’en ni ku ke rin’ e girdi’ ngak e pi galesiya rok Got ni bay u lan yu Judea, ni aram e girdi’ ni yad bay u rom ni kar manged girdi’en Kristus Jesus e kan rin’ ngorad. Ta’reb rogon e gafgow nike tay girdi’en e nam romed ngomed ko gafgow nike tay piyu Israel ngorad,

1 Thessalonika 2:16

Ra guyed rogon ni ngar taleged gamad ni nge dab gu machib niged e thin rok Got ngak e pi’in gathi yad piyu Israel, ni ir e ra thapegrad ngak Got. Denen ni yad be ngongliy ni gubin ngiyal’ e ireray e re fol nike yan i mada’ ngay. Ere fini aray e ke taw e damumuw rok Got ngorad!

James 2:6

Machane gimed be n’ag fan e pi’in ni gafgow! Mi mini’ e ma gafgow nagmed nge girngiymed nga p’eowchen e pi tapuf oloboch? Pi’in ni pire’ ban’en rorad!