Acts 17:18 - Bible Ni Thothup

¹⁸ Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

Acts 17:18 Iomraidhean Croise

Proverbs 23:9

Dab mu guy rogon ni ngam chep ku be’ nib balyang; ya dabyag ni nangfan nge fel’ u wan’.

Proverbs 26:12

Re balyang ni th’abi pinat e kabfel’ boch ngak e pi’in yad ma leamnag ni bay e gonop rorad ma dariy.

Mark 9:14

Ma nap’an nra sulod ngak fa tinem i gachalpen, miyad guy e girdi’ ni pire’ ni pire’ ni kar mu’ulunggad ngorad, ni be tugthin boch e tamchib ko Motochiyel ngak pi gachalpen Jesus.

Luke 11:53

Ma fa’ani chuw Jesus u rom me tabab e pi tamchib ko Motochiyel nge pi Farise i thibthibnag Jesus nrib el merin, ma bo’or ban’en ni yad be fith murung’agen ngak,

Acts 26:23

fare Messiah e thangri gafgow me ir e cha’ ni som’on ni nge fos ko yam’, me tamilangnag piyu Israel nge pi’in gathi yad piyu Israel u rogon me thap e girdi’ ngak Got.”

Acts 4:2

Kar malalngan’gad ni bochan e fa gali apostel e yow be machibnag ngak e girdi’ ni Jesus e kan faseg ko yam’, ni aram e mich riy ni yira faseg e yam’.

Acts 5:42

Ma aram e urngin e rran nra ul’ulgad ngay ngu’ur filed ngak e girdi’ ma yad be machibnag ngak e girdi’ fare Thin Ni Bfel’ ni murung’agen Jesus, ni ir fare Messiah, ni ur machib niged u lan fare Tempel ngu lan e tabinaw rok e girdi’ i yan.

Acts 6:9

Me togopluw boch e pumo’on ngak ni yad girdi’en fare tafen e mu’ulung rok e pi Pumo’on ni Kar Chuwgad ko Sib (ni aram fithingrad), ni piyu Israel nrabad u Cyrene ngu Alexandria e yad bay riy. Yad nge ku boch piyu Israel nrabad u Cilicia ngu Asia e ra tababgad Stefen ko malu’ag thin.

Roma 1:22

Be lungrad e yad ba gonop, machane ri yad bbalyang;

1 Korinth 3:18

Dariy be’ ni nge bannag ir. Fa’anra bay be’ u fithik’med ni be finey ni ir be’ nib gonop nrogon e leam nma tay e girdi’ nib mil farad ko re fayleng ney, ma nge tay ndariy ban’en ni manang, ni bochan e ngari yag ni mang be’ nib gonop.

1 Korinth 4:10

Bochan Kristus ma aram fan ni kug pired ni gamad e girdi’ nda gu nanged ban’en; machane gimed e kam llowan’gad ko ta’ab girdi’ ni kam ted Kristus! Gamad mme’waer, machane gimed e gimed ba gel! Yibe darifan nagmad, machane gimed e yibe tay famed!

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.