Acts 17:13 - Bible Ni Thothup

¹³ Ma fa’ani rung’ag piyu Israel ni yad ma par u Thessalonika murung’agen Paul ni ki machibnag e thin rok Got ko girdi’ u lan e binaw nu Berea, miyad yib ngaram ngar tababgad i nonnon ngak e girdi’, ni yad be guy rogon ni nge togopluw e girdi’ ni pire’ ngak Paul nge Silas.

Acts 17:13 Iomraidhean Croise

1 Kings 21:25

Dariy be’ nike par ni tin kireb u p’eowchen SOMOL e be rin’ ni bod rogon Ahab, ni Jezebel ni le’engin e be tay ir ngak be yodorom.

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 28:25

Fel’ngak e kemus ni oloboch e ma k’aring. Bfel ni nge pagan’um ngak SOMOL.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Luke 12:51

Gimed be finey ma ku gub ni nggu fek e gapas i yib nga fayleng? Nggog ngomed ni gathi gapas, machane ku gub ni nggu ruwraba’nag e girdi’.

Acts 14:2

Machane pi’in nu Israel ndaburad ni nge mich Jesus u wun’rad e ra nonod ngak e pi’in gathi yad piyu Israel ngar pired ni kar damumuwgad ngak e pi’in walagey ni girdi’en Kristus.

Acts 17:1

Miyow milekag ngranow u lan e binaw nu Amfipolis ngu Apolonia, miyow yib ko binaw nu Thessalonika, ni aram e gin ni bay ba tafen e mu’ulung rok piyu Israel riy.

Acts 17:10

Ma nap’an ni yigi neap’, ma pi walag ni aram girdi’en Kristus e ra l’oeged Paul nge Silas ngranow nga Berea. Ma fa’anra tawgow, miyow yan ngalan tafen e mu’ulung rok piyu Israel.

Acts 17:5

Me awan’ piyu Israel ngorow, miyad kunuy boch e girdi’ u kanawo’ ni girdi’ ni yugu ma yan ndariy e maruwel rorad ni ngar mu’ulunggad ngar wageygad. Miyad wagey u lan fare binaw ni polo’, miyad yan ni cham nga tafen Jason, ni yad be guy rogon ni ngar pir’eged Paul nge Silas ngar feked yow nga waen i yib ngak e girdi’.

Acts 20:4

Mi Sopater nib pagel ni fak Pyrrhus ni be’ u Berea e un ngak Paul ngranow; ma ku er i tay Aristarkus nge Sekundus nrabow u Thessalonika; nge Gayus, ni yib u Derbe; nge Timothy; nge Tykikus nge Trofimus nrabad ko nug nu Asia.

Acts 21:27

Fa’ani chuchugur ni nge gaman fa medlip i rran, me guy boch piyu Israel nrabad ko nug nu Asia Paul u lan e Tempel. Miyad nonnon ngak fapi girdi’ ni urngin ngar pingeged e wagey miyad kol Paul.

Acts 6:12

Ireray kanawo’en miyad k’aring e damumuw ngak e girdi’, nge pi’in pi’ilal, nge pi tamchib ko Motochiyel. Miyad yib ngak Stefen ngar koled, miyad fek i yan nga p’eowchen fare ulung.

2 Korinth 11:26

Ma ke yo’or e milekag ni gu tay ni chugur gum’ ko ran ni sugubur e lul’ nge yib nga daken e binaw, nge rok e moro’ro’ nma fek ban’en u fithik’ e yargel, nge rok piyu Israel ni gamad girdi’en ta’ab nam nge rok e pi’in gathi yad piyu Israel; ma kug chugur ko riya’ u lan e binaw i yan, ngu daken e ted, ngu lan e regur, nge rok e pi’in yad be dake yad boch e walag u daken Kristus.